Sea Breeze

Sea Breeze bied gerieflike selfsorgverblyf net 'n klein entjie se stap vanaf Britanniabaai se luisterryke Goue Myl.

Sea Breeze het slaapplek vir 6 gaste in 3 slaapkamers en daar is 3 badkamer, en 'n oopplan-kombuis, -eet, en -leefarea. Die dubbelplafon verleen 'n lieflike, ruim gevoel aan die leefarea en daar is 'n kaggel. Die hoofslaapkamer in die solder het 'n vrystaande bad en 'n aparte toilet en wasbak. Dié kamer lei na 'n sonnige balkon met see-uitsigte. Die ander 2 slaapkamers is op die onderste verdieping. Een van dié kamers het 'n dubbelbed en 'n en suite-badkamer en die ander kamer het 2 enkelbeddens. Daar is nog 'n apart…

Sien meer

Sea Breeze bied gerieflike selfsorgverblyf net 'n klein entjie se stap vanaf Britanniabaai se luisterryke Goue Myl.

Sea Breeze het slaapplek vir 6 gaste in 3 slaapkamers en daar is 3 badkamer, en 'n oopplan-kombuis, -eet, en -leefarea. Die dubbelplafon verleen 'n lieflike, ruim gevoel aan die leefarea en daar is 'n kaggel. Die hoofslaapkamer in die solder het 'n vrystaande bad en 'n aparte toilet en wasbak. Dié kamer lei na 'n sonnige balkon met see-uitsigte. Die ander 2 slaapkamers is op die onderste verdieping. Een van dié kamers het 'n dubbelbed en 'n en suite-badkamer en die ander kamer het 2 enkelbeddens. Daar is nog 'n aparte, volledige badkamer. Gaste moet asb. hul eie handdoeke saambring.

Die kombuis is toegerus met alles wat jy benodig vir sorgelose selfsorgverblyf. Daar is gerieflike sitplek en 'n TV met 'n volledige DStv in die woonkamer.

Sea Breeze het 2 braaiplekke buite. Die een is aan die voorkant van die huis en die een aan die agterkant het blindings. Die agterplaas is ommuur, so dis ideaal vir gesinne.

Daar mag asb geen partytjies by hierdie instansie gehou word nie. Dit is 'n stil woonbuurt en gaste moet die bure in ag neem.