SEAesta Beach House

Selfsorg

Kapasiteit: 6 mense
Inkloktyd: 14:00 tot 21:00
Uitkloktyd: 10:00
Adres: 10 Normandiestraat, De Kelders, Gansbaai, 7220, Wes-Kaap
Alle ouderdomme is welkom
Vanaf R3 000 per nag, vir 6 mense

Beskrywing

SEAesta Beach House is 'n ruim selfsorghuis in Gansbaai, De Kelders, die Overberg. Dit is een van die beste walviskykbestemmings in Suid-Afrika.

Die huis het slaapplek vir 6 mense in 3 slaapkamers, en daar is 2 badkamers, 'n oopplan-kombuis en -leefarea, en 'n braaiplek langs 'n ruim patio met 'n see-uitsig en nog 'n braaiplek.

Die hoofslaapkamer het 'n dubbelbed en 'n en suite-badkamer met stort en toilet, en 'n privaat leeshoekie. Die tweede slaapkamer het 'n koningingrootte-bed en daar is 2 enkelbeddens in die derde slaapkamer. Dié twee kamers deel 'n badkamer met 'n bad, stort, en toilet. Al die slaapkamers het digte gordyne.

Die ruim kombuis is ten volle toegerus met 'n stoof, yskas, mikrogolf, koffiemasjien en kombuisgerei. Daar is 'n opwaskamer en 'n wasgoedarea met 'n wasmasjien, tuimeldroër, skottelgoedwasser, strykyster en strykplank. Die leefarea het 'n plasma-TV met volledige DStv en WiFi en daar is oorgenoeg bordspeletjies vir gesinspret.

SEAesta Beach House het 'n dubbelmotorhuis met sekuriteitsensors. Ekstra parkeerplek is op die perseel beskikbaar vir 2 motors. En die huis se alarmstelsel is gekoppel aan gewapende reaksie (24 uur).

Dié strandhuis is naby Die Plaat se toegangshek wat deel is van die Walker Bay Natuurreservaat. Die Plaat is 'n lang, ongerepte strand met sandsteenrotse in die ooste. Daar is talle staproetes langs die kus, sowat 200 m van die huis af. Klipgatgrot is een van die Wes-Kaap se belangrikste kulturele bates - dit is loopafstand van die huis af.

Kry ’n Kwotasie