Voorbaai Akkommodasie by Seascape | LekkeSlaap
+13

Seascape

Selfsorg
  • Kapasiteit: 4 persone
  • Inkloktyd: 14:00 tot 19:00
    Uitkloktyd: 10:00
  • Adres: Edelvalkstraat 2, Twee Kuilen Park, Mosselbaai, 6500, Wes-Kaap
  • Alle ouderdomme is welkom
  • Vanaf R800 per nag (plek vir 4)

Beskrywing

Seascape is 'n selfsorgwoonstel wat in die gesinsvriendelike Twee Kuilen Park Security Village geleë is. Dit is ideaal geleë tussen Diazstrand en Hartenbos aan die pragtige Tuinroete.

Seascape is 'n hoekwoonstel op die grondvloer met 'n onbelemmerde tuinuitsig. Dit het slaapplek vir 4 gaste, asook 'n baba/kleuter/kindjie, en beskik oor 2 en suite-slaapkamers en 'n oopplan-kombuis en leefarea. Die hoofslaapkamer is ingerig met 'n koningingrootte-bed en 'n en suite-badkamer. Die tweede, kleiner slaapkamer het 'n stapelbed wat ideaal is vir 2 kinders, asook 'n en suite-badkamer.

Die kombuis is goed toegerus vir selfsorg met 'n wasmasjien, yskas, mikrogolfoond, 'n stofie en oondjie, 'n broodrooster, ketel, eetgerei en breekware. Die leefarea is ingerig met 'n bank en 'n TV met sekere DStv-kanale. Daar is 'n patio met 'n ketelbraai en 'n buite-eetstel. Onderdakparkeerplek is beskikbaar op die perseel.

Twee Kuilen Park village het 'n gemeenskaplike buiteswembad en 'n speelarea vir die kinders. Die perseel grens aan 'n riviermonding met 'n verhewe paadjies waar gaste kan wandel om die voëllewe te bewonder. Die opsigter se kantoor is op die perseel en is oop gedurende kantoorure.

Diazstrand en Diaz-Waterpark is stapafstand. Die waterpark het verskeie waterwurms, asook 'n verhitte swembad en mini-gholf om pret en plesier aan mense van elke ouderdom te verskaf. Hierdie geriewe is egter net oop in die spitsseisoentyd. Daar is ook 'n mengeldrankie-kroeg op die strand waar gaste 'n skemerkelkie kan geniet. Die braai- en piekniekareas is tot gaste se beskikking vir ontspanne etes. Diazstrand is 'n gewilde bestemming onder diegene wat wil leer hoe om branderplank te ry en surf-skole gebruik dit op 'n daaglikse basis. Daar is ook 'n skubaduiksentrum, Electrodive, waar jy kan aansluit vir 'n kursus, of, as jy reeds die kwalifikasie het, kan jy in die vlakker riwwe gaan duik.

Hartenbosstrand is 'n Blouvlagstrand wat beteken dat die strand skoon en veilig is, en dat dit op 'n omgewingsvriendelike wyse onderhou word. Hartenbos se waterpark bied die grootste verskeidenheid waterwurms in die Wes-Kaap en is langs 'n pretpark en mini-gholfbaan geleë. Langeberg Mall is net 2 km ver. Mosselbaai sal jou ook verstom met al sy prettige doendinge waaronder haaihokduik met witdoodhaaie, skubaduik, valskermduik, kajakvaart, gholf, roetedraf en voetslaan, bergfietsry, sandplankry, 4x4-roetes, Safari-wildritte, bootritte na Robeiland, walviskyk (in seisoentyd) en vele meer.

Slaapplek

’n Bespreking by Seascape sluit in:

Koningingrootte-bed Kinderbank vir 1
Slaapkamer 1
Plek vir 3 persone
1 xKoningingrootte-bed
1 xKinderbank vir 1
Stapelbed
Slaapkamer 2
Plek vir 2 persone
1 xStapelbed

Kenmerke

Afrikaans
Swembad
Braaiplek
Rolstoelvriendelik
Veilige Parkering

Geriewe

  • Swembad
  • Braaiplek
  • Kombuisgeriewe
  • Geen Rook Binnenshuis
  • Satelliet-TV
  • Selfsorg
  • Rolstoelvriendelik

Aktiwiteite op perseel

  • Voëlkyk
  • Fietsry
  • Swem

Aktiwiteite Naby

  • Visvang
  • Groot 5
  • Voëlkyk
  • Wynproe
  • Fietsry
  • Wildritte
  • Wildkyk
  • Bergfietsroetes
  • Swem
  • Tennis

Hier praat ons

  • Afrikaans
  • Engels

Konferensiegeriewe

  • Televisie

Parkeerplek

  • Veilige Parkering
  • 24-Uur Sekuriteit
  • Onderdakparkering
  • Parkering Van Die Straat Af

Ligging

  • Edelvalkstraat 2, Twee Kuilen Park, Mosselbaai, 6500, Wes-Kaap
Kliek hier om die ligging se sien
Sien kaart
Vanaf R800
per nag (plek vir 4)
Vanaf R800
per nag (plek vir 4)
Maak 'n Bespreking
  • Kapasiteit: 4 persone
  • Inkloktyd: 14:00 tot 19:00
    Uitkloktyd: 10:00
  • Adres: Edelvalkstraat 2, Twee Kuilen Park, Mosselbaai, 6500, Wes-Kaap
  • Alle ouderdomme is welkom
https://d288tngog90ix0.cloudfront.net/AAEAAQAAAAAAAAAAAAAAJDcyYjVlMWU0LTdiYjQtNGEzYi1hMTliLTRiMTI4YTAxMjViMA?w=1440&h=960&fit=crop&auto=format Vanaf R800  per nag (plek vir 4) 2 Edelvalk street Twee Kuilen Park 6500 Wes-Kaap 086 999 0018 14:00-19:00 10:00 -34.152591 22.103702
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za