Selah Strand Kothuis

Dis 'n ongelooflike huis met alles wat jy nodig het en nog meer!

Ons het heerlik gebly!

Sielsrus, ongerepte strand met dolfyne wat in die see baljaar. Hier rus jy.

Oulikste plek. Voel of mens afgesonder is van die samelewing.

Natuurliefhebber se droom vakansie by die see.

Die huis het alles wat ons benodig het en nog meer, baie ruim. Doodstil in die nagte, net uile wat roep gehoor. Baie min mense op die strand. Het die wandelpaadjies baie geniet. Kinders kon ook lekker fietsry. Baie voëllewe in die reservaat. Voel soos 'n huis iewers in 'n wildtuin.

Heerlik rustig en die natuur is pragtig!

Die huis self is baie mooi en goed ingerig. Ek dink in die somer kan dit 'n heerlike koel huis wees, maar in die winter of op koue dae is dit regtig koud. Gelukkig is daar die heerlikste kaggel wat die vertrek snoesig laat voel en 'n gasverwarmer. Die strand is regtig 'n hele ent se stap vanaf die huis, dis beter om te ry tot naby die hek. Maar oral is baie mooi skoon en die rustigheid is ongelooflik lekker!

Die huis is baie goed toegerus en ons het onsself baie geniet.

Wonderlike plek, baie veilig vir die kinders, met 'n mooi natuurskoon en mooi wild op die estate. Ongelukkig het die weer nie saamgespeel nie, en moes ons die hele naweek in die huis bly. Gelukkig was die huis so goed toegerus dat dit geen probleem was nie. En die gasvryheid is uitstekend.

Baie rustig.

Baie rustig en dankie vir sak hout en ys.

'n Heerlike wegbreek waar alles perfek was.

Selah Strand Kothuis het alles wat ons nodig gehad het. Netjies en skoon. Beslis die moeite werd.

Die beste!

Ons het dit so geniet. Daar is 'n privaat strand skoon, netjies en veilig. Die natuur en rustigheid om ons het gemaak dat ons net lekker op die stoep wil sit en nêrens heen ry nie. Die huis is perfek en het als wat jy benodig. Herman lewer die beste diens en is onmiddellik beskikbaar as jy hom benodig. Ons kom vir seker terug na die paradys van 'n plek.

Rus en vrede in oorvloed.

Selah is besonders. Ons het baie reën die naweek gehad en eers regtig op ons laaste oggend kans gehad om te verken. Hierdie landgoed is 'n weggesteekte juweel, van die pragtige huis tot die diere wat in die voorste "tuin" wei. Herman is tops en het ons op die hande gedra, ons kom gou weer!

Vreedsaam.

Wat 'n wonderlike plek vir 'n wegbreekkans. Afgeleë en privaat. Die huisie bied alles wat jy nodig het, met 'n prentjie mooi uitsig. Dis 'n gemaklike stappie af strand toe en wat 'n pragtige strand! Perfek vir iemand wat hou van strandstap.

Baie rustig met 'n pragtige uitsig.

Selah is 'n baie moderne huis met al die nodige geriewe. Pragtige uitsig en kan stap op die strand en in die estate self. Dis waar jy waarlik kan rus en ontspan. Ons beveel dit hoogs aan. DStv sou welkom gewees het.

Baie rustig en mooi met 'n privaat strand.

Baie rustig en stil, ook min ligte so sterrekyk was extra mooi.

Fantasties!

Beeldskone strandhuis met die mooiste uitsig! Ons kom definitief weer terug !

Onverbeterlik.

Spesiale verwelkoming met beskuit en 'n bottel wyn en uitmuntende kommunikasie van die gashere se kant af. Die huis is goed ingerig met spesiale ekstras soos die buite jacuzzi!

As jy van afsondering, stilte en die natuur hou met 'n see-uitsig, dan is die jou plek.

Springerbaai is afgesonder van die mal besige vakansieplekke in die omgewing. Dis eksklusief, rustig en privaat. Jy kan lekker gaan fietsry, draf of stap. Daar is bontebokke, sebras, springbokke en ander kleinwild te sien - ook baie skilpadjies. Baie privaat strand - jy is meestal alleen daar - soms is daar dalk een ander groep mense. As jy lus is om bietjie tussen baie mense te gaan swem kan jy Vleesbaai toe ry (of stap as jy baie energie het), of na Mosselbaai of Klein-Brak se strand toe vir die dag. Selah is nie teenaan die see nie maar jy kan die see sien. Dis doodstil en jy rus lekker. Dis 'n eko estate so alle huise het slegs sonkrag so jy weet nie eers van beurtkrag nie, maar jy moet spaarsamig werk met die elektrisiteit.

Wonderful relaxing spot highly recommend.

Beautiful nature perfect to relax, lovely home.

Fantasties.

Stil, rustig. Baie staproetes. Lieflik vir die kinders. Kom beslis weer.

Rustig, smaakvol, lekker, bederf!

Reuben en sy vrou gaan uit hul pad om hul huisie so smaakvol en verwelkomend moontlik te maak vir hul gaste. Ons het dadelik tuis gevoel en was vreeslik bederf met al die ekstra verrassingtjies wat hul vir ons uitgesit het. Selfs hout, blits en vuurhoutjies! Die huis is pragtig, stylvol afgerond met rustige kleurskemas wat inpas by die asemrowende natuurskoon wat dit omring. Daar is meer as genoeg om te doen vir natuur liefhebbers en die hele gesin put genot uit 'n rustige sielvernuwende wegbreek! Hulle sien ons vir seker weer!