Sneeukop Mountain House

Selfsorg

Kapasiteit: 6 mense
Inkloktyd: 15:00 tot 19:00
Uitkloktyd: 10:00
Adres: Lustigaan-weg, Paarl-Suid, Paarl, 7646, Wes-Kaap
Alle ouderdomme is welkom
Vanaf R6 000 per nag (plek vir 6)

Beskrywing

Sneeukop Mountain House is bo die wingerde in Paarl geleë en bied 'n 360 grade-uitsig op die berge en oor die fynbos. Dit is onafhanklik van die tradisionele kragnetwerk en maak van sonkrag en gas gebruik. Die verblyf is naby winkelsentrums, wynplase en restaurante.

Dié huis bied slaapplek aan 6 volwassenes en 4 kinders en beskik oor 3 slaapkamers en 4 badkamers. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en toilet. Die tweede slaapkamer het 'n koningingrootte-bed en 'n matras vir 2 kinders, asook 'n en suite-badkamer met 'n stort. Die derde slaapkamer het 'n koningingrootte-bed met 'n bababedjie en matras, asook 'n en suite-badkamer met 'n bad, stort, wasbak en 'n toilet. Daar is ook 'n aparte gastetoilet. Linne en handdoeke word voorsien.

Die oopplan-leefarea het 'n volledige kombuis, eetarea en sitarea. Die moderne kombuis is met 'n yskas-vrieskas, vyfplaatgasstoof en gasoond, mikrogolf, eetgerei, breekware, en tee- en koffiemaakgeriewe, asook 'n eiland met stoeltjies toegetus Daar is ook 'n aparte opwaskamer met 'n skottelgoedwasser en wasmasjien vir gaste se gerief. Dit lei na die eetarea en na die helder en ruim sitarea met 'n TV met DStv-kanale en Netflix. Daar is ook 'n knus kaggel.

Die glasdeure lei na 'n stoep met 'n ingeboude braai-area en gemaklike sitplek, wat 'n skilderagtige uitsig oor die welige grasperk bied, perfek vir vermaak. Die asemrowende uitsigte oor Paarl en op die berge kan soggens met 'n koppie koffie geniet word. Veilige parkeerplek word op die perseel voorsien. Dit verblyf word deur 'n elektriese heining en 'n afstandbeheerhek beveilig.

Kry ’n Kwotasie