+48

Sperrgebiet Lodge

189 resensies

Selfsorg

Winteraanbod 10% af

Kry 10% af. Geldig vanaf 28 Jun 2021 tot 31 Jul 2021.

Voorkeurvennoot
Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: Sperrgebiet Plaas, Droedap-pad, Springbok, 8240, Noord-Kaap
Alle ouderdomme is welkom
Vanaf ~~R900~~ R810 per nag (vir 2 persone)

Beskrywing

Sperrgebiet Lodge is op die plaas Sperrgebiet wat 10 km buite Springbok, 2,3 km vanaf die N7, in die pragtige Namakwaland is. Dit bied verblyf in selfsorgeenhede met grasdakke. Die plaas is tussen berge en koppies bespikkel met kokerbome in die skilderagtige semi-woestyn.

Verblyf word in 6 selfsorgeenhede gebied, waarvan 1 'n gesinseenheid is. Elke eenheid het ’n en suite-badkamer en ’n TV met sekere DStv-kanale, sowel as gratis WiFi. Elke eenheid het ook toegang tot ’n braai-area wat lieflike uitsigte oor die plaas bied. Daar is ’n gemeenskaplike swembad naby die eenhede.

Gedurende die lentemaande sal gaste gereeld die geluide van sprinkane en blaf van die nagakkedisse hoor. Voëlkykers word aangemoedig om hul verkykers saam te bring aangesien die eienaars reeds saam 69 voëlspesies uitgeken het.

Daar is 'n verskeidenheid aktiwiteite in die omliggende omgewing, soos voëlkyk, staproetes, gholfspeel op die gholfbaan naby en bergfietsry. Namaqua Horse Trails bied perdryroetes op 'n plaas naby die instansie en die Goegap Natuurreservaat is ook naby die lodge geleë.

Die eienaars van die 300 hektaar-plaas het hul droom bewaarheid en dié stuk grond 'n paar jaar gelede gekoop om 'n rustige, stil lewe ver weg van die stad se gejaag en geraas te kan lewe.

Kry ’n Kwotasie