by Steenbokkie Nature Reserve | LekkeSlaap

+104

Steenbokkie Nature Reserve

358 resensies

Wildsplaas

Kapasiteit: 50 persone
Inkloktyd: 12:00 tot 22:00
Uitkloktyd: 10:00
Adres: Steenbokkie Natuurreservaat, Beaufort-West, 6970, Wes-Kaap
Alle ouderdomme is welkom
Vanaf R755 per nag (vir 2 persone)

Beskrywing

Steenbokkie Nature Reserve is 'n werkende wild- en gasvryheidsplaas net 8 km vanaf Beaufort-Wes. Dit bied gerieflike verblyf aan 'n oornaggas asook 'n onvergeetlike ervaring vir 'n gesin of vakansieganger. Gaste kan uitsien na sterrekyk in die oop vlaktes van die Karoo, die Nuweveld Berge in die verte en 'n unieke plaas-ervaring.

Verblyf is in gastekamers en selfsorg-kothuise beskikbaar. Die gastekamers het elk 'n en suite-badkamer met 'n stort en toiletgeriewe, asook lugversorging, 'n TV met DStv-kanale, elektriese komberse en tee- en koffiemaakgeriewe. Handdoeke word voorsien. Gaste het toegang tot 'n gemeenskaplike kombuis en piekniek- en braai-area. By ontvangs kan gaste koeldrank, ys of tjops koop.

Elke kothuis het 'n kombuisie wat met 'n stoof, yskas-vrieskas en 'n mikrogolf toegerus is. Die en suite-badkamers het elk 'n stort en toiletgeriewe. Verder het die kamers lugversorging, 'n TV met DStv-kanale, elektriese komberse en tee- en koffiemaakgeriewe. Handdoeke word voorsien.

Die Jaghuis is 'n aparte huis 1 km van die ontvangs af.

Gaste kan uitsien na voetslaan-roetes waar hulle wild soos kameelperde, sebras, wildebeeste, springbokke, duikers, tsetsebes, njalas en 'n verskeidenheid voëls kan sien. Ander spesies wat gereeld saans op die gras van die kampeerterrein wei, is steenbokkies. Wild kan slegs te voet, fiets of met gaste eie vervoer besigtig word, slegs op afspraak.

Daar is 'n 5 km-langeroete indien gaste wil rustig loop of MTB-ritte wil doen. Daar is 'n 13 km lange roete vir motorfietse en 'n 23 km lange roete vir diegene wat meer ervare is. Gaste moet hul eie fietse saambring.

Daar is talle doendinge om die kleintjies te vermaak, soos 'n speelterrein, swembad en die plaasdiere voer. Die plaas is ook die tuiste van skape, eende, henne, varke, konyne, donkies en perde.

Kry ’n Kwotasie