The Canals

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Kingston Place, Eenheid 1 The Canals, Marina Martinique, 6330, Oos-Kaap
Alle ouderdomme is welkom
Vanaf R2 000 per nag (plek vir 6)

Beskrywing

The Canals is 'n kontemporêre selfsorghuis in die hartjie van die skilderagtige Marina Martinique, op die kusvlakte tussen Jeffreysbaai en Astonbaai, wat dit ideaal maak vir 'n gesin of groep vriende.

Dié dubbelverdiepinghuis bied slaapplek aan 6 gaste en beskik oor 3 slaapkamers, 2 badkamers en 'n gastetoilet. Die eerste slaapkamer het 'n koningingrootte-bed en 'n en suite-badkamer met 'n bad en stort. Die tweede en derde slaapkamer het elk 'n dubbelbed en gaste deel 'n badkamer met 'n stort. Linne en badhanddoeke word voorsien.

Die kombuis is met 'n gasstoof, oond, ketel, koffiemasjien, eetgerei, breekware, wynkoeler en 'n toonbank met stoeltjies toegerus. Daar is ook 'n mikrogolfoond, yskas-vrieskas, skottelgoedwasser en wasmasjien in die aparte opwaskamer. Die sitarea en eetarea het oorgenoeg sitplek vir gaste om te eet en te ontspan. Daar is ook 'n slim-TV en gratis WiFi.

Die leefarea het stapeldeure wat lei na 'n houtdek met sitplek, 'n ingeboude braai, asook 'n swembad. Gaste het toegang tot 'n outomatiese dubbelmotorhuis vir veilige parkeerplek, en die verblyf is naby die strand en aktiwiteite.

Kry ’n Kwotasie