The Pot

Selfsorg

Spesiale Aanbod 30% af

Kry 30% af (minimum twee nagte se verblyf). Geldig vir verblyf vanaf 18 Apr 2024 tot 1 Aug 2024.

Kapasiteit: 15 mense
Inkloktyd: 14:00 tot 19:00
Uitkloktyd: 09:00
Adres: Arizona-singel 267, Faerie Glen, Pretoria, 0081, Gauteng
Alle ouderdomme is welkom
Vanaf ~~R1 050~~ R735 per nag (plek vir 4)

Beskrywing

The Pot is 4 aparte, gerieflike selfsorgeenhede in Faerie Glen, 'n stil en veilige voorstad op 'n heuwel in Pretoria-Oos. Dié eenhede is naby groot inkopiesentrums soos die Sun Arena at Times Square, Central Square, Menlyn Main, Time Square Casino, Menlyn, Atterbury, Wilgers Hospitaal en Faerie Glen Hospitaal.

Die selfsorgeenhede is naby die hoofhuis en het privaat ingange. Die knus eenhede is ideaal vir 'n gesin en bied slaapplek aan tot 4 gaste. Die eenhede het elk 'n slaapkamer, badkamer en oopplan-kombuis en -leefarea.

The Clay Pot het 'n dubbelbed. Die aparte badkamer het 'n stort, toilet en 'n wasbak. Daar is 'n stapelbed en 'n enkelbed in die leefarea. Buite is 'n klein, privaat tuin en buitebraai-geriewe. Die eenheid is troeteldiervriendelik. Daar is onderdakparkeerplek. Daar is ook 'n studeerkamer vir 'n besigheidsreisiger beskikbaar vir privaat vergaderings.

The Blom Pot is 'n oopplaneenheid met 'n slaapkamer, kombuisie en 'n dubbelbed in 'n privaat area, sowel as stapelbeddens in die leefarea. Dit het ook 'n volledige badkamer en 'n aparte toilet. The Blom Pot het nie 'n omheinde tuin nie.

The Zink Pot bied slaapplek aan 6 gaste. Die eerste slaapkamer het 2 stapelbeddens en 'n badkamer met 'n stort, bad, toilet en 'n wasbak. Die tweede slaapkamer het 'n dubbelbed. Die slaapkamer het ook 'n badkamer met 'n stort, toilet en wasbak. Daar is 'n kombuisie met verhit-en-eetgeriewe.

The Klipp Pot bied slaapplek aan 3 gaste en het 'n koningingrootte-bed. Die badkamer het 'n toilet, wasbak en stort. Die eenheid het 'n kombuisie met 'n lugbraaier, mikrogolf, oond, en tee- en koffiemaakgeriewe. Daar is ook 'n buite-area vir 'n troeteldier en 'n braai-area. Hierdie verblyf ervaar nie beurtkrag nie.

Die verblyf is naby die N3-snelweg, restaurante, hospitale, inkopiesentrums en trouvenues.

Kry ’n Kwotasie