The House

Selfsorg

Langtermynverblyf-aanbod 35% af

Kry 35% af vir verblyf wat 5 nagte of langer is. Geldig vir verblyf vanaf 30 Apr 2024 tot 12 Des 2024.

Kapasiteit: 10 mense
Inkloktyd: 14:00 tot 19:00
Uitkloktyd: 12:00
Adres: De Jongh-straat 38, Yzerfontein, 7351, Wes-Kaap
Alle ouderdomme is welkom
Vanaf ~~R6 500~~ R4 225 per nag (plek vir 10)

Beskrywing

The House is 'n pragtige dubbelverdieping-vakansiehuis wat omring word deur ongerepte fynbos. Daar is geen ander huise oorkant die verblyf nie. Die vakansiehuis is in die idilliese vakansiedorp Yzerfontein en spog met 'n see-uitsig oor die fynbos vanaf die boonste verdieping.

Die huis bied slaapplek aan 10 gaste en beskik oor 5 slaapkamers en 4 badkamers. Daar is ook 'n aparte gastetoilet. Op die boonste verdieping is daar 3 smaakvolle slaapkamers met 2 en suite-badkamers en 1 aparte toilet. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en toilet. Die tweede slaapkamer het 'n dubbelbed en 'n en suite-badkamer met 'n stort, wasbak en toilet. Daar is ook 'n aparte gastetoilet. Die derde slaapkamer het 'n dubbelbed en 'n en suite-badkamer met 'n stort, wasbak en toilet. Dit het ook 'n kombuisie wat met' n yskassie, mikrogolf en tee- en koffiemaakgeriewe toegerus is. Die vierde en vyfde slaapkamer het elk 'n dubbelbed en gaste in hierdie slaapkamers deel 'n gastebadkamer met 'n bad, stort, wasbak en toilet. Linne en handdoeke word voorsien.

Die huis beskik oor 2 volledig toegeruste kombuise op die onderste en boonste verdiepings. DIe kombuise is elk met 'n yskas-vrieskas, stoof, oond, mikrogolf, eetgerei, breekware, tee- en koffiemaakgeriewe en 'n skottelgoedwasser toegerus. Daar is 'n aparte opwaskamer met 'n wasmasjien. Die kombuis op die boonste verdieping lei na 'n eetarea en sitarea met gemaklike rusbanke en 'n slim-TV. Indien gaste hul eie intekenbesonderhede het kan hul op DStv, Netflix en Apple TV inteken. Die sitarea op die boonste verdieping het 'n binnebraai en lei na 'n balkon met 'n pragtige see-uitsig.

Die balkon het buitesitplek en 'n buitebraai-area en is ideaal vir 'n skemerkelkie. Die eetarea en sitarea op die onderste verdieping lei na 'n stoep met buitesitplek, 'n braai-area en 'n uitsig oor die groot grasperk. Dit is die perfekte plek vir kinders om lekker rond te hardloop.

Die omgewing bied talle aktiwiteite wat visvang, ski, branderplankry en voetslaan insluit. Daar is ook pragtige, seisoenale veldblomme te sien. Gaste kan ry na omliggende plekke soos Buffelsfontein Wild- en Natuurreservaat, die Weskus Nasionale Park, !Khwa ttu en Living Colors. Die huis is ook naby verskeie restaurante, delis en die Swartland-wynroete.

Kry ’n Kwotasie