+38

The Nelsbells Cottage

49 resensies

Selfsorg

Voorkeurvennoot
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Malherbestraat 138, Clarens, 9707, Vrystaat
Alle ouderdomme is welkom
Vanaf R2 500 per nag (plek vir 8)

Beskrywing

The Nelsbells Cottage is stapafstand vanaf die hartjie van Clarens. Dit bied selfsorgverblyf in 'n rustieke, Victoriaanse huis.

Die hoofhuis bied slaapplek aan 6 gaste en beskik oor 3 slaapkamers op die boonste verdieping. Die eerste slaapkamer het 'n dubbelbed en lei na die balkon wat reg rondom die huis strek. Die tweede slaapkamer het 2 enkelbeddens en die derde slaapkamer het 'n koningingrootte-bed. Al die beddens het elektriese komberse. Daar is 2 badkamers in die hoofhuis. Die eerste een is onder en het 'n bad en 'n toilet, en die tweede een is bo en het 'n stort en 'n toilet.

Die oopplan-leefarea het 'n gemaklike sitarea met 'n kaggel vir koue winteraande en 'n knus leeshoekie wat na die stoep lei. Die kombuis is ten volle toegerus en sluit 'n ketel, yskas, gas- en elektriese stoof, mikrogolfoond, wasmasjien, skottelgoedwasser, tuimeldroër, eetgerei en breekware in. DStv Premium en 'n DVD-speler is beskikbaar. Daar is ook braaigeriewe en veilige parkeerplek op die perseel, en troeteldiere is welkom.

Gaste het ook toegang tot die tuinwoonstel. Dié woonstel het 'n koningingrootte-bed met slaapplek vir 2 volwassenes. Daar is koffie- en teemaakgeriewe, 'n yskassie, stort en 'n toilet.

Clarens het as die Juweel van die Vrystaat begin bekend staan, en lok kunstenaars, fotograwe en natuurliefhebbers. Die dorpie is vir verskeie kunsvlyt- en handwerkwinkeltjies bekend en bied 'n wye reeks snuisterye en oorspronklike kunswerke. Die sandsteengeboue dra tot die atmosfeer van die dorpie by. Clarens is die ideale wegbreekplek vir stadsjapies uit Johannesburg, Bloemfontein en Durban, wat almal ongeveer 300 km ver is.

Kry ’n Kwotasie