The Taj Residence 1408

Selfsorg

Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Whale-straat 4, The Taj Residence Eenheid 1408, Kaapstad, 8000, Wes-Kaap
Alle ouderdomme is welkom
Vanaf R5 000 per nag, vir 4 mense

Beskrywing

The Taj Residence 1408 is 'n weelderige, ruim selfsorgwoonstel in 'n veilige gebou in die hartjie van Kaapstad oorkant die bekende Kompanjie-tuin. Die woonstel is in privaat besit en in dieselfde gebou as die Taj wat as 'n hotel funksioneer. Gaste kan dus van die hotel se kamerdiens, verhitte swembad, gimnasium en warmbad gebruik maak.

Hierdie woonstel bied slaapplek aan 4 gaste en beskik oor 2 smaakvol gemeubileerde slaapkamers, 2 badkamers en 'n oopplan-kombuis, -eetarea en -leefarea. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het enkelbeddens en gaste gebruik die tweede badkamer met 'n stort, wasbak en 'n toilet. Skoon linne en handdoeke word voorsien.

Die oopplan-kombuis is met 'n yskas-vrieskkas, stoof, oond, mikrogolfoond, basiese eetgerei, breekware en tee- en koffiemaakgeriewe toegerus. Daar is ook 'n skottelgoedwasser, wasmasjien en 'n tuimeldroër. Die kombuis lei na die eetarea met 'n etenstafel met sitplek vir 4 en verder is daar 'n ruim sitarea met 'n studeertafel met 'n stoel, gemaklike rusbanke en 'n TV. Gratis WiFi is beskikbaar.

Die sitarea se stapeldeure lei na die balkon met uitsigte oor die stad en op die berg.

Gaste het ook toegang tot die hotel se restaurante en Jive Spa op die perseel. Die spa bied masserings en ander behandelings. Veilige parkeerplek is beskikbaar en daar is 24 uur-sekuriteit sowel as geslote-kringtelevisie.

Kry ’n Kwotasie