+52

Tshukudu Game Lodge

Wildsplaas

Kapasiteit: 37 persone
Inkloktyd: 14:00 tot 21:00
Uitkloktyd: 11:00
Adres: KT 207, Portion of Vienna, Hoedspruit, 1380, Limpopo
Alle ouderdomme is welkom
Vanaf R4 200 per nag (vir 2 persone)

Beskrywing

Tshukudu Game Lodge is in 'n privaat wildreservaat van 3800 hektaar geleë en grens aan die gewilde Krugerwildtuin. Die lodge bied lieflike uitsigte oor die Drakensberge en jy kan 'n groot verskeidenheid wild, insluitend die Groot 5, van naderby beskou.

Ons is 'n 4-ster-lodge en bied slaapplek in 17 individuele eenhede. Elke eenheid het 'n en suite-badkamer met 'n stort en is toegerus met 'n yskassie, koffie- en teemaakgeriewe, haardroërs en 'n kluis. Geriewe word daagliks aangevul. Voorsiening is in sekere eenhede gemaak om rolstoele te akkommodeer.

Buffet-ontbyte en ligte middagetes word bedien op die grasdakstoep. Ons voorsien Suid-Afrikaanse disse wat met vars, plaaslike bestanddele voorberei is. Buffet-aandete word gewoonlik om die knetterende vuur en onder die sterre in die Afrika-boma geniet. Tradisionele disse van wildsvleis kom ook voor op die egte Suid-Afrikaanse spyskaart.

Gaste kan ontspan op die leunstoele onder die grasdak langs die swembad. Dit is ook 'n goeie plek vir wildkyk. 'n Watergat lê net duskant die lodge en wildsbokke, olifante en buffels is gereeld hier te sien.

Gaste het elke dag die geleentheid om die reservaat te voet te ervaar. Bosuitstappies bied die ideale geleentheid vir natuurliefhebbers en avontuurlustiges om die ongelooflike wildlewe van Afrika van nader te ervaar. Vir gaste se veiligheid sal hulle vergesel word deur 'n hoogs gekwalifiseerde gids. Die lodge bied ook wildritte elke oggend en vroegaand in oop wildvoertuie met gidse wat graag hul uitgebreide kennis deel.

Kry ’n Kwotasie