Underhill Farm

Selfsorg

Kapasiteit: 14 mense
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Plaas E34 Van der Stelpas, Villiersdorp, Vyeboom, 7171, Wes-Kaap
Vanaf R1 120 per nag (plek vir 2)

Beskrywing

Underhill Farm is 'n eko- en troeteldiervriendelike gasteplaas in die Overberge op die oewer van die Botrivier. Dit is minder as 100 km vanaf Kaapstad en is dus perfek vir 'n naweekwegbreek. Die plaas maak gebruik van sonkrag gebruik en die kothuise is van herwinde en hernubare materiaal gebou. Die kothuise is so geleë dat elkeen ’n unieke uitsig, geriewe, landskap en privaatheid het.

Die verblyf bestaan uit 4 kothuise op die plaas; Rivendell Cottage, Hobbit Hollow, Oak Cottage en Earthship.

Rivendell Cottage, wat op die rand van die Twaalfontein-stroom geleë is, het 2 slaapareas en 1 badkamer. Die eerste area het 'n koninggrootte-bed en daar is 'n dubbel- en enkelbed in die tweede slaaparea. Die stoep het 'n omheinde braai-area met oorgenoeg sitplek en 'n pizza-oond. Daar is 'n borrelbad en plonspoel en trappe af na 'n privaat vuurput tussen die populierwoud en langs die stroompie.

Hobbit Hollow is aan die oorkant van die plaas geleë op die oewer van die rivier. Dit het 1 slaapkamer met 'n koninggrootte-bed, 1 badkamer en 'n volledig toegeruste kombuis. Daar is 'n braai-area buite die sitkamer wat uitkyk oor die Botriviervallei. Die is 'n borrelbad in die tuin.

Oak Cottage het slaapplek vir 2 gaste en is toegerus met 'n koningingrootte-bed, 'n badkamer met 'n stort, asook 'n buitebadkamer met bad en stort. Daar is 'n binnebraai-area sowel as 'n kaggel buite, binne-sitarea en 'n kombuisie wat toegerus is met 'n yskas, mikrogolf en gasstoof. Daar is nie 'n oond nie.

Die Earhship is die mees privaat kothuis in die hoek van die plaas. Dit het 'n natuurlike swembad, borrelbad en vuurmaakplek langs die stroompie. Die onderdakstoep het 'n braai- en pizza-oond en 'n groot etenstafel met stoele. Daar is 'n groot sitkamer en kombuisarea met 'n geslote kaggel. Daar is drie en suite-slaapkamers.

Kry ’n Kwotasie