Vuyatela

Selfsorg

Kapasiteit: 14 mense
Inkloktyd: 14:00 tot 19:00
Uitkloktyd: 10:00
Adres: Nkwazi-rylaan 57, Zinkwazi, 4480, KwaZulu-Natal
Alle ouderdomme is welkom
Vanaf R12 356 per nag (plek vir 14)

Beskrywing

Vuyatela is 'n bekoorlike plantasie-styl strandhuis op die strandmeer met direkte toegang tot die strand in Zinkwazi, en bied slaapplek aan 14 gaste.

Die huis beskik oor 5 slaapkamers met lugversorging en 4 badkamers. Daar is 2 slaapkamers met 'n koninggrootte-bed, 1 met 'n dubbelbed, 1 met 2 enkelbeddens, en 1 met 2 enkelbeddens en 2 stapelbeddens. Daar is 2 en suite-badkamers met 'n bad en stort en 1 en suite-badkamer met 'n stort. Verder is daar 'n aparte badkamer met 'n bad. Alle linne, bad- en strandhanddoeke word voorsien.

Die kombuis is met 'n stoof, oond, yskas-vrieskas, skottelgoedwasser, mikrogolfoond, wasmasjien, tuimeldroër, asook eetgerei en breekware toegerus. Die leefarea het 'n etenstafel, gemaklike sitplek en 'n TV. Beide die boonste en onderste verdieping het 'n onderdakstoep met meubels.

Aan die voorkant van die verblyf is 'n jetty om gaste se bote op die strandmeer te water te laat. Die huis het 'n swembad, 'n aktiewe DStv-kaart en dekodeerder met 'n dubbelkyk-opsie, 'n Weber- en vlekvrystaalbraai en WiFi. Die huis word ook skoongemaak. Dit word beveilig deur heinings, 'n elektriese hek en laserstrale. Daar is ook 2 toesluitmotorhuise, en die alarm word deur 'n gewapende reaksiespan ondersteun. 'n Gasstoof en omsetter word voorsien.

Kry ’n Kwotasie