Walviskus

Selfsorg

Spesiale Aanbod 20% af

Bly 5 nagte en betaal slegs vir 4. Geldig vir verblyf vanaf 4 Mrt 2024 tot 29 Nov 2024.

Kapasiteit: 6 persone
Inkloktyd: 12:00 tot 20:00
Uitkloktyd: 11:00
Adres: Cliff-straat 93, De Kelders, Gansbaai, 7220, Wes-Kaap
Alle ouderdomme is welkom
Vanaf ~~R1 600~~ R1 280 per nag (plek vir 6)

Beskrywing

Walviskus is in De Kelders geleë en bied gehalteverblyf aan 'n gesin of groep vriende van tot 6 gaste (4 volwassenes en 2 kinders). Dit is sowat 35 minute vanaf Hermanus en 10 minute vanaf verskeie winkelsentrums. Die seefront-eenheid se stoep en hoofslaapkamer het 'n ononderbroke uitsig oor die see en is ideaal vir walviskyk.

Die huis op die grondverdieping beskik oor 3 slaapkamers, 2 badkamers en bied slaapplek aan 6 gaste. Daar is trappe wat vanaf die parkeerarea na hierdie eenheid lei. Die hoofslaapkamer met 'n see-uitsig het 'n plafonwaaier, dubbelbed en 'n en suite-badkamer met 'n stort, toilet en wasbak. Die tweede slaapkamer het ook 'n dubbelbed en die derde slaapkamer het 2 enkelbeddens. Die tweede badkamer het 'n stort, bad, toilet en 'n wasbak.

Die kombuis is met 'n stoof, oond, yskas-vrieskas, mikrogolf, aparte tee- en koffiemaakgeriewe, 'n yskassie, breekware en eetgerei toegerus. Die eenheid het ook 'n wasmasjien en 'n skottelgoedwasser.

Die sitarea het 2 gemaklike rusbanke, 'n TV met Netflix en 'n eetarea met oorgenoeg sitplek. WiFi is ook beskikbaar. Al die slaapkamers het beurtkragligte wat te alle tye ingeprop moet bly. 'n Noodlig is ook op die yskasdeur beskikbaar en daar 'n lig met batterye, wat gelaai moet word, by die koffiestasie.

Twee fietse, speelkaarte, legkaarte, bordspeletjies en 'n hangmat op die stoep is beskikbaar vir gaste om te gebruik. Weber-braaigeriewe is beskikbaar, maar slegs houtskoolvure word toegelaat, geen houtvure word by die kompleks toegelaat nie.

Veilige parkeerplek is op die perseel beskikbaar. Troeteldiere word nie toegelaat nie.
Die area bied 'n verskeidenheid besienswaardighede en aktiwiteite, insluitend voetslaan, snorkel, Walkerbaai Natuurreservaat, 4x4-roetes, haaihokduik in Gansbaai, strande in die area en verskeie grotte. Daar is baie wynplase en brouerye binne 20 km van De Kelders. Boeke oor die area is by die huis beskikbaar.

Sodra gaste bespreek het, sal hulle 'n volledige aktiwiteitslys van aanbevole aktiwiteite in die area per WhatsApp ontvang.

Kry ’n Kwotasie