Xanadu Penthouse Villa

Selfsorg

Kapasiteit: 6 mense
Inkloktyd: 14:00 tot 20:00
Uitkloktyd: 10:00
Adres: Seacliff-weg 2A, Bantrybaai, Kaapstad, 8005, Wes-Kaap
Alle ouderdomme is welkom
Vanaf R18 000 per nag (plek vir 6)

Beskrywing

Xanadu Penthouse Villa is 'n moderne en stylvolle villa wat selfsorgverblyf in Bantrybaai, 'n weelderige buurt in Kaapstad, bied. Die multiverdieping-villa bied 'n uitsig op Leeukop en oor die Atlantiese Oseaan vanaf elke verdieping.

Die elegante villa het slaapplek vir 6 gaste en beskik oor 3 en suite-slaapkamers. Die hoofslaapkamer het 'n koninggrootte-bed en 'n en suite-badkamer met 'n bad en 'n stort. Die tweede slaapkamer het 'n koninggrootte-bed en die derde slaapkamer het 'n dubbelbed. Dié slaapkamers het elkeen 'n en suite-badkamer met 'n stort.

Die helder en moderne kombuis is met 'n yskas-vrieskas, stoof, oond, mikrogolfoond en 'n koffiemasjien toegerus. Daar is ook 'n toonbank met sitplek in die kombuis. Die leefarea het lugversorging, 'n sitkamerstel en 'n TV en dit bied toegang tot 'n balkon met 'n etenstafel. Gaste kan hul maaltye op die balkon geniet terwyl hulle die lieflike see-uitsig aanskou.

Die villa het 'n kuierarea op die dak met 'n pragtige uitsig op Leeukop en oor die see. Daar is 'n swembad, gasbraaigeriewe, 'n eetarea en oorgenoeg sitplek. Elke verdieping, insluitend die ondergrondse verdieping, is deur die hysbak bereikbaar. Daar is parkeerplek vir 2 voertuie op die perseel en die villa het 'n omsetter vir kragonderbrekings.

Die villa se ligging aan die Atlantiese Seekus bied maklike toegang tot gewilde strande, die middestad, V&A Waterfront en groot besienswaardighede in Kaapstad.

Kry ’n Kwotasie