Geverifieerde Resensie
Magoebaskloof
Al die resensies is deur LekkeSlaap-gaste geskryf wat in Magoebaskloof bespreek het
Hierdie plek het 'n gemiddeld van 4.7 uit 5 gekry volgens 451 resensies.
"Oulike dorpie. Ons sou wou gehad het dat die winkeltjies net bietjie later moes oopbly, want teen 19:00 het ons agtergekom het dat ons nie melk het nie en ons kon toe nerêns koop nie. Maar die restuarante is uitstekend met ‘n uitstekende uitsig en vriendelike mense. "
"Soveel doendinge vir die natuurliefhebber. Regtig bederf met mooiste natuur tonele."
"'n Heerlike bestemming vir 'n naweek wegbreek om rustig te wees, tyd saam met gesin te spandeer, fietsry, birding, visvang, hiking ens."
"Pragtige dorpie geleë in asemrowende vallei, met verskeie aktiwiteite en restaurante! Sal sterk aan beveel!"
"Die natuur in Magoebaskloof is beeldskoon. Ons het die Debengeni Waterval besoek en die fasiliteite was goed versorg en skoon. Toeristeaktiwiteite in die omgewing was egter teleurstellend. Alhoewel al die aktiwiteite in die omgewing goed bemark is deur pamflette en op die internet, was meeste van die instansies gesluit in die laaste week van Januarie toe ons daar was. Die Wegraakbosch Plaas kon ons nie op die kaastoer neem of 'n bord van hul kase bedien nie. Sequoia Gardens en Zwakala Brouery was heeltemal gesluit sonder enige kennisgewings. Na 'n uur se ry van een instansie na die volgende op 'n moeilike grondpad het ons moed opgegee. 'n Jammerte, want ons sou graag die plaaslike toerisme wou ondersteun."
"Dit is 'n goeie bestemming as jy weg wil kom van die stad af. Die pragtige klein dorpie Haenertsburg is 'n ekstra bonus om te besoek - dit laat jou voel tyd het bietjie stil gestaan. "
"Beeldskone area en die inwoners is uitstekend. Sal definitief weer 'n hele paar keer daar gaan kuier. "
"Magoebaskloof is 'n belewenis/moet-sien bestemming wat dié wat lief is vir die natuur, stap, 'trail-running', MTB. Stap die Swartbos-staproete op 'n bewolkte dag. Gaan pluk bloubessies by Blueberryheights en geniet hul bloubessie-kaaskoek by die Mountain Cafe, dis 'n absolute moet. Jy het nog nie so iets geproe nie! Proe bier by Zwakala Mikro Brouery en gaan hou piekniek by die Debegeni Waterval."
George's Vallei, Magoebaskloof
Waterbessiebos Cottages"Gaan dit beslis 'n jaarlikse instelling maak om die omgewing te besoek."
"Magoebaskloof is my gunsteling-bestemming. Die natuur is mooi. die toeriste-aantreklikhede is voldoende om besig te bly indien jy verkies. "
"Jy het meer as 'n naweek nodig om Magoebaskloof en al sy weggesteekte prag te ontdek en te verken. En onthou om altyd 'n warm dingetjie in te pak, want die weer is baie onvoorspelbaar."
"God het Magoebas geskep vir die natuurliefhebber, dis awesome."
"We love Magoebaskloof. Dit bied pragtige voetslaanroetes met 'n tropiese klimaat en lieflike restaurante."
George's Vallei, Magoebaskloof
Waterbessiebos Cottages"Sprokies mooi. Seker die mooiste deel van ons land."
"Enigste nadeel is die grondpaaie, dit kan nogal hectic raak, maar andersins is dit 'n wonderlike plek."
"Haenertsburg is klein, maar so sjarmant. Maak seker om by die brouery op Cheerio Lane in te loer. Almal is super vriendelik, heerlike kos en elke plekkie het 'n besondere atmosfeer en-/of 'n wonderlike uitsig."