Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 10360 resensies.
"Die mense in die gemeenskap wat ons ontmoet het was vriendelik en behulpsaam met raad oor die pad wat ons volgende moes ry. Ons het die tyd in Vanderkloof baie geniet en sal beslis weer daarheen gaan vir 'n wegbreek."
"Die mense is hartlik en baie behulpsaam. Dis net jammer om te sien hoe soveel van ons land se klein, plattelandse dorpies ly onder andere a.g.v. die droogte en werkloosheid."
"Behalwe vir die gastehuis, is daar nie eintlik ander goed om te doen nie."
"Nie 'n baie vriendelike dorp nie, het gevaarlike motoriste in dorp gewaar, onverantwoordelike optrede."
"Dit was 'n heerlike kuier en sal graag weer daar wil gaan kuier."
"Fraserburg is 'n baie oulike plekkie as jy die Karoo wil verken en is 'n moet om by jou roete in te werk."
"Ek was 40 jaar gelede in Kimberley - so dit was 'n lekker verrassing om te sien hoe goed dit onderhou is. Die Groot Gat en museum gedeelte is regtig pragtig. Ons het vir ure daar rondgestap en ons verstom aan alles."
"Die verval in Kuruman is tragies. Ons wou na die Kuruman se oog gaan kyk, maar kon nie eers op die perseel ingaan nie. Die plaaslike mense het ons gewaarsku om maar liewers nie daar in te gaan nie. Dit is regtig hartseer."
"Kleinzee is nie 'n hengelbestemming nie, dis bietjie ver van die see af en jy kan nie naby die strand kom met 'n voertuig nie. Daar is egter redelik baie restaurante en winkels en die dorp is veilig en rustig en stil."
"Ek sal nie Colesberg aanbeveel as 'n finale bestemming nie want daar is nie veel om te doen nie. Maar dit is 'n baie gerieflike middelstop."
"Die strate het vreeslik baie potholes in. Sommige areas voel mens nie so veilig nie. As ons meer tyd gehad het, sou ons beslis die museums besoek het."
"Dit is so 'n aangename en vriendelike dorpie. Die mense maak dit so lekker en tuis. Dit is mooi en skoon. Bo alles baie veilig en rus vir jou siel."
