Geverifieerde Resensie
Parys
Al die resensies is deur LekkeSlaap-gaste geskryf wat in Parys bespreek het
Hierdie plek het 'n gemiddeld van 4.4 uit 5 gekry volgens 938 resensies.
"Rustige dorpie met baie plekkies om te sien. Die vierwielmotorfietse by Earth Adventures was baie pret en Die Blakermaker-winkel was baie interessant. Net jammer die Dog & Fig-brouery was gesluit vir 'n funksie. Ons sal maar volgende keer daar omgaan. "
"Rustige en pragtige dorpie. Ideaal geleë vir 'n vinnige wegbreeknaweek. Beslis die moeite werd."
"Parys is al lankal op die kaart. Ek het die dorpie en sy vriendelike mense baie geniet. Die winkeltjies in die hoofstraat is 'n toeristetrekpleister en 'n vriendelike dorp wat almal welkom heet. Dié dorpie het 'n lekker kuieratmosfeer by al die eetplekke. Daar is nogal 'n ge'zoem' van energie en afwagting in die Vrystaatse dorpie. Ek sal weer gaan kuier."
"Besoekers aan Parys kan gerus by Ruby's gaan eet. Baie goeie kos en diens, lekker atmosfeer en 'n mens word welkom laat voel."
"Found Parys to be a most enjoyable destination. Really enjoyed roaming through the boutiques and shops, finding quite a few good buys. Also enjoyed the restaurants and coffee shops. Although I fully understand it, one thing I found quite different, was the fact that after about 15:30 on Sunday afternoon, most of the shops and restaurants were closed, and quite a few not opening on Monday morning. We will take this into account on our next visit if we stay over on a Sunday night."
"Interessante dorp, met talle geskenkwinkels en besonder baie winkels met oudhede om in rond te snuffel of te koop. Daar is baie verblyf opsies, vanaf gaste huise tot kampering, en ook buitemuurse aktiwiteite vir die avontuurlustiges. "
"Ons verblyf was baie skoon en netjies. Sal graag 'n Vending Machine of een of ander manier om koeldrank en snacks of iets te ete te koop wou gehad het. Indien 'n ontbyt by die prys ingesluit was sou dit ook baie meer punte by my gekry het. Verder sal ek weer bespreek indien ek in Parys moet oorslaap."
"Die restaurant O's was 'n wonderlike ervaring, nie net die kos nie, maar ook die pragtige bome langs die Vaalrivier. Ons kom weer!"
"Munisipaliteit moet die paaie in die dorp herstel. As jy 'n stukkie sonder 'n slaggat kan kry, doen jy goed."
"Parys is 'n rustige dorp met 'n wye verskeidenheid aktiwiteite, vanaf die antieke snuffelaar, kokkedoor, ontspanne "shopper", golfman, riviervaarder tot bierdinker! Personeel is vriendelik en behulpsaam, regte Vrystaatse sjarme! Hou net in gedagte dat baie van die winkels en restaurante gesluit is op Sondagaande en Maandae, sommiges op Dinsdae ook om nodige rus na bedrywige naweke te kry. "
"Ons het 'n oplewing in Parys ervaar wat baie verblydend is. Heelwat nuwe winkels het oopgemaak en die algemene gevoel is dat dinge nou gebeur. Die restaurante waaroor ons gek is, is beter as voorheen. Die blommefees wat in November aangebied gaan word beloof om iets besonders te wees en die maandelikse mark is beslis een van die redes vir ons volgende besoek aan Parys."
"Parys is 'n droombestemming vir enigiemand wat uit Gauteng se besigheid wil ontsnap. Daar is so baie om te doen dat 'n naweek net nie genoeg is nie. Die besighede is volop en bied 'n groot verskeidenheid. Die dorpie is ook bekostigbaar en die mense baie vriendelik."
"Parys is wonderlik... Ons was 4 dae daar, maar nog 'n 7 dag week sou dalk genoeg gewees het om orals te kyk en geniet. Dit is beslis 'n plekkie waarheen jy kan verdwyn! Heerlik!"
