LekkePlus
Geverifieerde Resensie
Wes-Kaap
Al die resensies is deur LekkeSlaap-gaste geskryf wat in Wes-Kaap bespreek het
Hierdie plek het 'n gemiddeld van 4.6 uit 5 gekry volgens 43854 resensies.
"Jacobsbaai is 'n baie stil dorpie met eintlik baie min besienswaardighede. Maar, dis perfek vir 'n naweek weg, as jy wil wegkom van die besige stadslewe en net wil afskakel met 'n boek en vars seelug."
"Darling is 'n pragtige dorpie met baie besienswaardighede. Ormonde het die lekkerste wyne wat ek in 'n lang tyd geproe het. Die Darling museum het soveel geskiedenis. Darling Sweets het die heerlikste toffies wat ek nog geproe het. Het na 'n show by Evita se Perron gaan kyk, net jammer ons kon nie van die menu bestel nie, die kos het so lekker gelyk. Laastens Darling Brew het 'n paar lekker light drinking beers vir 'n warm dag en die bierfees was beslis 'n treffer! "
"Durbanville is gerieflik geleë om alles wat die Kaapse Metropool bied - van Tafelberg, Kaappunt en die see tot eksotiese wynplase en ander attraksies - gemaklik te kan besoek en steeds buite die stadsgedruis te wees indien die toeris verblyf in Durbanville bespreek."
"Route 62 drankwinkel 'n moet stop in Ashton naby Robertson. Die manne daar ken hul drank!"
"Ons was by 'n volstruis aanbieding by Chandelier net buite Oudtshoorn. Nog 'n onverwagse juweel. Die bestuur is supervriendelik en die kinders het selfs 'n geleentheid gehad om 'n kameelperd te voer. Ons het besluit om nie een van die groot volstruisplase te besoek nie en hierdie was regtig die moeite werd. Hulle het selfs 'n buffeltoer wat ons nie die keer gedoen het nie, maar volgende keer as ons meer tyd het gaan ons dit beslis doen."
"Boggomsbaai is 'n heerlike, rustige, vakansieoord, maar 'n winkeltjie met net die nodigste kan miskien handig wees."
"Ons ken nie die dorp Rowsonville nie. Dit is klein en nie eintlik van veel waarde vir toerisme nie - maar die omgewing en distrik is baie pragtig met groot en mooi wynplase en restaurante en venues vir troues ens. Dit is ook baie naby Worcester en die Paarl geleë wat twee pragtige groot dorpe is wat baie bied vir toeriste. Kaapstad is ook seker slegs so 40 min vanaf Rawsonville."
"Die Strand is 'n pragtige strand en is naby aan soveel besienswaardighede in die Kaap. Uitstekende ligging vir rondry in die Kaap."
"Bellville is beslis 'n toeristebestemming. Daar is baie om te doen. Tygervallei winkelsentrum is lekker naby."
"Goed geleë om die hele Kaapstad en omgewing te kan besoek in n' ander rigting op 'n daaglikse basis."
