Aloe View Guest House

Gastehuis

Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: Hoofstraat, Keimoes, 8860, Noord-Kaap
Alle ouderdomme is welkom
Vanaf R1 150 per nag, vir 2 mense

Beskrywing

Aloe View is 'n unieke gastehuis sentraal geleë in Keimoes se hoofstraat langs die hoofweg.

Die gastehuis bied 5 en suite-kamers wat individueel versier is. Vars, wit linne en toiletware word voorsien in elke kamer. Koffie- en teemaakgeriewe is beskikbaar in elke kamer. DStv en "split unit"-lugversorgers maak die kamers selfs nog geriefliker. Geregte, wat meeste van die tyd deur die eienaar self voorberei word, word genuttig in die ruim eetkamer.

Staan gerus 'n bietjie op die houtdek en verwonder jou aan die luisterryke uitsig oor die wingerde, die aalwyne en die wonderskone sonsondergange. Die dek is geskik vir funksies en tot 200 gaste kan geakkommodeer word. Die dek is ook 'n kuierarea met 'n ingeboude braai langs die swembad waar gaste 'n rustige atmosfeer kan geniet.

Aloe View Guest House is sentraal geleë en voorsien ideale verblyf vir besoekers wat Keimoes se pragtige besienswaardighede, soos Bakkiespomp, Tierberg met sy pragtige uitsig oor Keimoes en die magtige Oranjerivier.

Die kenmerkende waterwiel, ook genoem die Bakkiespomp, die Nederduits Gereformeerde Sendingkerk wat in 1889 gebou is en nou 'n Nasionale Monument is en die toeristeburo is alles stapafstand van Aloe View af.

Kry ’n Kwotasie