Bollinger Guesthouse

Gastehuis

Gratis kansellasie tot 1 week voor jou verblyf!
Kapasiteit: 4 mense
Geen kinders onder 12
Inkloktyd: 14:00 tot 17:00
Uitkloktyd: 10:00
Adres: Barriestraat 38, Glen Barrie, George, 6529, Wes-Kaap
Vanaf R1 300 per nag (plek vir 2)

Beskrywing

Bollinger Guesthouse is in 'n rustige area in Glen Barrie en dit bied 'n uitsig oor die woud en op die berge en dit beskik oor 2 gemaklike dubbelkamers met en suite-slaapkamers wat toegang bied tot 'n groot gedeelde stoep waar koffie- en teemaakgeriewe en 'n yskassie is.

Genier die pragtige tuin met 'n soutwaterswembad en 'n jacuzzi. Beide kamers is stylvol versier en elke kamer het 'n en suite-badkamer met 'n stort, wasbak en 'n toilet, 'n slim-TV met Netflix, Amazon Prime en 'n internetkonneksie. Daar is ook lugversorging en 'n verwarmer. 'n Omsetter is geïnstalleer vir beurtkrag en dit verseker dat die ligte, internet en die slim-TV's in die kamer werk tydens 'n kragonderbreking. Die Jacuzzi is nie aan sonkrag gekoppel nie en is dus nie toeganklik tydens beurtkrag nie.

Die Jacuzzi buite is gesluit in die wintermaande (Junie - Oktober). Gedurende die somer moet die Jacuzzi 'n dag voor aankoms bespreek word. Dit is ook nie by die tarief ingesluit nie en dus beloop gebruik van die Jacuzzi R350 per uur of R500 vir 2 ure. Dit moet aan die bestuurder betaal word voordat die Jacuzzi gebruik mag word.

Die kamers word gratis skoongemaak op Maandae, Woensdae en Vrydae.

Die Bollinger Guesthouse is 'n goeie basis om die Tuinroete te verken. Die Tuinroete is bekend vir beelskone uitsigte, fynbos, lang strande en van die wêreld se mooiste gholfbane. Veilige parkeerplek op die perseel is beskikbaar. Daar is 'n alarmstelsel wat tydens die nag aangeskakel word vir ekstra veiligheid.

Kry ’n Kwotasie