Cederkloof Botanical Retreat

Cederkloof Botanical Retreat vorm deel van 'n produserende plaas 8 km vanaf Citrusdal. Dit het 'n stil en rustige ligging in 'n pragtige vallei langs 'n wildernisarea. Dié wegbreekplek is in 'n breë vallei tussen indrukwekkende berge geleë en bied 'n uitstekende geleentheid om dié berge te verken op 'n 4 km lange voetslaanroete met eienaardige rotsformasies wat met mos bedek is en meer as 850 fynbosspesies wat honderde voëlspesies lok.

Die verblyf bestaan uit 10 goed toegeruste selfsorgkothuise wat in 'n kloof vol fynbos geleë is. Ons het 6 enkeleenhede met slaapplek vir 2 en 4 dubbeleenhede met slaapplek vir 4. Die luukse bedd…

Sien meer

Cederkloof Botanical Retreat vorm deel van 'n produserende plaas 8 km vanaf Citrusdal. Dit het 'n stil en rustige ligging in 'n pragtige vallei langs 'n wildernisarea. Dié wegbreekplek is in 'n breë vallei tussen indrukwekkende berge geleë en bied 'n uitstekende geleentheid om dié berge te verken op 'n 4 km lange voetslaanroete met eienaardige rotsformasies wat met mos bedek is en meer as 850 fynbosspesies wat honderde voëlspesies lok.

Die verblyf bestaan uit 10 goed toegeruste selfsorgkothuise wat in 'n kloof vol fynbos geleë is. Ons het 6 enkeleenhede met slaapplek vir 2 en 4 dubbeleenhede met slaapplek vir 4. Die luukse beddens is almal koninggrootte wat in 2 enkelbeddens omskep kan word op versoek en het gehaltelinne. Al die kamers het en suite-badkamers met 'n bad of 'n stort.

Elke eenheid het dubbeldeure wat na die terras lei wat ideaal is vir skemerkelkies drink, 'n braaivuurtjie aansteek, of sterrekyk terwyl gaste in die privaat Jacuzzi sit.

Die privaat Jacuzzi's word met natuurlike bronwater gevul. Soggens kan gaste ontbyt in die buitelug geniet en die volop voëllewe en ander besoekers tussen die inheemse fynbos soos suikerbekkies, skoenlappers en naaldekokers bewonder.