De Santa Villas

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Britannica-rylaan 10, Britannica Heights, St. Helenabaai, 7390, Wes-Kaap
Alle ouderdomme is welkom
Vanaf R1 000 per nag (plek vir 2)

Beskrywing

De Santa Villas bied verblyf in 3 selfsorgwoonstelle op 'n kleinhoewe in die vissersdorpie St. Helenabaai. Die villas bied asemrowende uitsigte oor die baai, met die pragtige berge en sonsondergange in die agtergrond.

Elke selfsorg-eenheid bied slaapplek aan 2 tot 4 gaste en beskik oor 'n en suite-badkamer met 'n stort, wasbak en 'n toilet. Skoon linne en handdoeke word voorsien.

Elke eenheid het 'n kombuisie wat met 'n yskassie, tweeplaatstoof, mikrogolfoond, basiese eetgerei en breekware, en tee- en koffiemaakgeriewe toegerus is. Die woonstelle het ook platskerm-TV's met die volle DStv-pakkette en gratis WiFi. Elke eenheid spog met 'n stoep met sitplek en 'n panoramiese uitsig oor die see.

Daar is ook braaigeriewe en veilige parkeerplek op die perseel.

St. Helenabaai is aan die Weskus geleë en spog met pragtige blomme en plantspesies, insluitend die unieke fynbos wat in die area voorkom. Die villas is net 2,5 km vanaf die strand geleë en daar is veilige bergfietsroetes naby. Regdeur die jaar kan dolfyne, walvisse, verskeie voëlspesies en ander wild in die omgewing gesien word.

Kry ’n Kwotasie