Die Heks se Huis

Roadtrip in Karoo na Covid-inperking.

Heerlik gesneeu, yskoud, lekker kaggel gemaak en knus geslaap op warmkombers. Filterkoffie met sneeu gemaak want water in pype gevries. Gawe gasvrou met baie reisstories.

Goed toegerus en lekker warm.

Die huisie is baie goed toegerus, skoon en netjies. Ons het die kaggel en die hout wat voorsien was, deeglik gebruik. Die beddegoed is lekker warm en ons het nie koud gekry nie, al was dit vriesend buite. Die beddens in die dakkamer is nie vir almal nie, veral lang mense moet buk-buk daar bo rondloop om nie hulle koppe te stamp nie. Daar is ook net een kragpunt bo en 'n bedliggie sal baie help as mens in die nag moet toilet toe gaan (wat onder is). Die ligskakelaar sit by die trappe.

Knus en gemaklik.

Die weer was nie so lekker aan ons kant nie, maar die kaggel in die leefarea het gemaak vir 'n baie lekker kuier. Die slaaparea is so bietjie aan die ongerieflike kant, maar oor die algemeen het ons dit vreeslik baie geniet!

Rustig en gemaklik.

Ons het vroeg aanwysings gekry om gemaklik tot by Die Heks se Huis te ry. Die gasvrou het ‘n draai by ons kom maak en lekker gesels. Later ons op WhatsApp gehelp met moontlike eetplekke al was daar ‘n volledige gids met plekke en kontakte beskikbaar in die huisie. Die bed was baie baie gemaklik! Ons het lekker veilig en gemaklik geslaap en gekuier. Sal beslis weer daar gaan bly!

Vir 'n vinnige besoek en die basiese benodigdhede het jy nie meer nodig nie, beddegoed was skoon en netjies. Ek en Anien het die aand daar geniet en die rustigheid verorber.

Ongelukkig het ons die sterre gemis, bly oor die wolke en die bietjie reën gewees. Dit was ons eerste maar sal weer spesiaal 'n naweek beplan vir die sterre! Ons wil graag die sneeu gaan beleef maar glo dit sal 'n miernes wees van toeriste!

Dit was lekker, die dorp is maar stil.

Dit is 'n mooi stil rustige plekkie, mooi skoon in die dorp, die sterrekyk was 'n belewenis en het dit geniet. As ek langer daar gebly het sal ek my TV mis, dit is maar stil.

Baie lekker knus huisie.

Sal weer daar oorbly.

Definitief 'n unieke ervaring.

Ons was aangenaam verras, oulike plekkie binne loopafstand van die meeste besienswaardighede.

Stilte en rus.

Ons het baie lekker oornag by Die Heks se Huis. Sal graag volgende keer langer wil bly, alles wat nodig is, was beskikbaar en netjies. Geen TV, maar ons het dit nie eers gemis nie!!

Baie lekker gebly, vriendelik, laat jou dadelik tuis voel.

Interessante dekor, die heks-tema in alles rondom jou, regtig uniek.

Vriendelike ontvangs, baie interessante blyplek. Beslis waarde vir geld.

Ideale plekkie om tydens 'n besoek aan Sutherland oor te bly. Veilige parkering van die pad af, en alles wat jy nodig het vir 'n rustige braai en aand se slaap.

No sleep.

The pictures of the exterior of main house are not of the accommodation offered. The room was very very hot - as a result of a tin roof sitting in the sun all day. It wasn't possible to cool the room down as loadshedding happened twice that night - something the host neglected to mention. The room was full of mosquitoes and there were no nets. No WiFi codes were provided. My colleague hardly got any sleep, and we were both bitten all over. Our host was nowhere to be found in the morning. While some pointsare not the fault of the host, it would have been nice to be told that they expected loadshedding (and the times), and if your property is infested with mosquitoes, why wouldn't you provide nets to your guests?

Onwelkom.

Terrible!

Perfek geleë vir sterrekyk, restaurante.

By Observatorium. Perfek vir 'n nag of twee.

Lekker warm geslaap by Die Heks se Huis.

Die mense in Sutherland is ongelooflik vriendelik en gasvry. Die eienaar het vir my voice notes gestuur met duidelike padaanwysings na ons verblyf. Ons is ook toe hartlik verwelkom deur ‘n ander dame wat ons na ons huis toe geneem het. Alles was netjies en skoon. En die huis was heerlik warm binne. Veral die stort werk lekker en word baie vinnig warm. As jy ‘n vuur wil maak in die kaggel, maak net seker jy vat hout saam. Na 10 uur in die aand is al die winkels toe ongelukkig. Maar ons het ‘n heerlik nagrus gehad en sal dit definitief aanbeveel vir enige iemand wat Sutherland toe gaan.

Baie vriendelike diens en eenheid baie netjies.

Ons sal beslis were by die Heks se Huis slaap as ons weer in die omgewing is.

Kreatiewe, huislike gevoel.

Heerlik gebly. Wonderlike leesstof. Volgende keer bly ons langer.

Een woord; awesome.

Dekor eenvoudig, maar so treffend. Well done.

Sleep well and sleep.

The cottage is very neat and warm. The lighting is slightly dim and it was strange that there was a lamp to the right of the bed, but no plug to plug it into. In the bathroom, the shower's water pressure was irregular and the toilet bowl did not fill itself. The beds were fantastic with soft pillows. The decor was beautiful too.

The place met an urgent need.

The house met our basic needs.

Netjies.

Basies. Maar netjies. Stortgordyn ontbreek.

Interessant, anders maar gerieflik skoon en netjies. En die feit dat daar veilige parkering is, is 'n pluspunt.

Die ligging van die verblyf is baie gerieflik, net agter die planetarium binne loopafstand. Die dorpie is klein en daar is genoeg eetplekke om van te kies. Die kos was baie lekker en die mense is vriendelik en vertel graag van hulle dorp. 'n Besoek aan die Sterrwag was baie insiggewend en beslis die moeite werd. Sal graag weer besoek wil aflê.

Baie oulike huisie met als wat jy nodig het.

Sien sterre.

Perfek vir my doel om 'n aand oor te bly en die Sutherland Parkrun te doen.

'n Perfekte oornag venue vir my doel.

Was baie ontspannend sonder televisie.

Die Heks het my verwagtinge oortref, was heerlik daar gewees en ek voel soos 'n nuwe mens.

Comfy and clean and most needs covered, but staircase a bit risky.

Heks se Huis Luna has most of the household amenities that are required. We did miss a braai tongs, which is used most nights. The staircase to the loft bedroom area though requires attention. A touch rickety and unstable. Beds were comfy and linen and towels clean and fresh. Outside braai area very pleasant. Overall a nice place to sit back chill and enjoy the Sutherland atmosphere.

Vreeslike lekker wegbreek naweek.

Ons het heerlik gekuier by Heks se Huis, die perde langsaan wat kom groet het was 'n ekstra plus punt vir enige diere-liefhebber. Vreeslike netjiese huisie, al die benodigde kombuis toerusting was beskikbaar. Die binne-braai is so 'n bederf, veral op 'n koue aand, en die buite braai nog lekkerder as die weer dit toelaat. Beddens was warm bedek met meer as genoeg komberse, badkamer skoon en netjies. Al waaroor mens kan "kla" is die okkerneute wat van die boom af op die sinkplaat dak neerslaan as jy 'n middagslapie wil vang. Andersins is dit so gepas geleë in die middedorp, heerlik vir loopafstand wandel tot by verskeie restaurante en kuierplekke. Die planetarium reg langsaan is beslis die moeite werd om te besoek. Ons sal verseker weer oorbly!

Was net suiker, geen koffie, geen melk. Tweede huis het koffie gehad, maar was kliphard.

Baie oulike plek. Diens net baie swak.

Fantasties!

Ons beplan binnekort weer so trippie en sal vir seker weer by Die Heks se Huis oorslaap, volgende keer meer as net 1 aand. Ons is vriendelik ontvang en die kamers is skoon en baie oorspronklik. Ons het veral gedink die vuurmaak in die kamer was nogal iets vrek oulik en later die aand het ons in ons kamer vleis gebraai. 10 uit 10!

Pragtig, netjies en uniek!

Alles wat jy nodig het was daar. Vir Sutherland is warm water in die winter nogal 'n ding. By Die Heks se Huis was daar meer as genoeg warm water en die waterdruk baie goed.

Uniek en gerieflik.

Oulike plekkie! Veral die gemakstoele en beddegoed van hoogstaande gehalte.

Ek sal enige tyd weer gaan!

Vriendelike mense wat die kaggel aansteek voor ons kom, silwerskoon en cosy gewees! Ek sal hier kan bly vir 'n maand en net boek lees, en ek lees nie eers regtig baie nie.

Wonderlike ruskans in die koue!

Skoon lug en vriendelike dorp. Sal die Heks se Huis enige tyd aanbeveel.

Skoon, koud (heerlike kaggel om warm te maak) en kraakvars beddegoed.

Beddegoed was kraakvars, skoon en lekker warm in die koue. Huisie mooi skoon, bietjie na vuur geruik, maar net gou vensters oopgemaak en die reuk het gou verdwyn.

Dit is 'n magic plekkie!

Rustige huisie met lekker kaggel binne die huis vir die koue aande!

Totaal en al teenstrydig met wat ons voorheen van die webtuiste en Sutherland ontvang het!

Ons het arriveer in Sutherland op 'n bibberkoue naweek. Eienares het ons blyplek aan ons uitgewys, en vaagweg gesê hier is 'n verwarmer en vuurmaakplek. Ons het vriende ontmoet vir aandete, en yskoud teruggekeer. Daar was geen verwarmer, geen ekstra komberse, geen elektriese komberse. Ons het die enkelbeddens teen mekaar geskuif en duvets bo-op mekaar gegooi. Nog erger gewees! Duvet binneste is satynerig en het heeltyd afgegly! Volgende oggend is eienares gekontak, gevra vir verwarmer en 2 komberse. Skoonmaker het met waaier-verwarmer en 1 dun lappiesdeken (geen binne komberse) opgedaag. Ek het terstond by die Pep-winkel gaan poolvlies-komberse koop. Ons het ander soort hout gaan koop, want ons was uitgerook (gedink ons hout was te nat), maar was net so erg 2e aand. Die kaggel het geen trek gehad. Dit was uiters teleurstellend na ons vir selfsorg betaal het. Ons kon by ander plek beter diens kry vir dieselfde bedrag. En nee, ek weier enige terugvoering vanaf die eienaar.

Gemaklik, alles wat nodig is, beddens heerlik.

Dit was koud, maar Die Heks se Huis was heerlik warm ingerig. Kaggel was 'n wenner. Genoeg hout en beddegoed. Kombuis voldoende toegerus. Beddens netjies skoon en warm. Badkamer voldoende. Aanbevelings: die een hooflig in sitkamer is te skerp en aandag kan gegee word aan water uitloopstelsel van stort en toilet. Ons het wel ons verblyf baie geniet, ligging is perfek. Sal dit vir seker aanbeveel.

Nie soos geadverteer nie.

Geen diens. Die plek sal ons nooit weer sien nie.

Perfek vir een nag oorslaap.

Die foto is misleidend. Huis sonder ketel. Netjies en skoon.

Stof en wind.

Mak diere langsaan was 'n groot plus!

Was aangenaam.

Was baie aangenaam, die waaier wat in die huis was het geen doel nie, want dit is te klein. Sou graag die heksie wou ontmoet het.

Verskriklik lekker. Wonderlike gasvrou.

Heerlik stil. Alles wat jy nodig het. Pragtige plek.

Wonderlike wegbreekplek. Dit is 'n moet.

Op 'n koue aand was die kaggel 'n groot bydrae! Die buitebraai is heerlik en die badkamer is baie mooi versier. Het baie lekker geslaap en die die huis het alles wat 'n mens nodig het vir 'n wonderlike kuier saam geliefdes. Die huis is skoon en baie netjies. En dit is ongelooflik lekker om met 'n haan wat kraai wakker te word. Die diere om die huis is ook baie lekker. Perde, honde, skapies, hoenders en klomp voëls wat in die bome kletter! As iemand wil wegbreek van die besige lewe van 'n stad is die die perfekte plek om af te skakel en net die rustigheid te geniet.

Baie lekker en gelieflik, bekostigbaar.

Hoewel eenvoudig, is dit goeie waarde vir geld en gerieflik geleë.

Baie lekker sentraal met alles wat jy nodig het.

Die huisie waarin ons gebly het sit reg langs die kerk in Sutherland. Daar was alles wat ons nodig gehad het hoewel die suikerfles leeg was met baie min koffie in die fles. Ons sal beslis weer daar gaan bly. Die binne-kaggel met hout is 'n plus vir die koue nagte!

Verblyf was ongelooflik lekker!

Marne van Die Heks se huis was vreeslik vriendelik en behulpsaam, ons het so lekker gebly en geslaap onder die lieflike vere-duvet en alles was net aangenaam. Baie, baie dankie. Sien julle beslis weer.

Rustic character, comfortable and just nice.

Nice accommodation for a winter breakaway.

Lekker huisie vir 'n gesin van vier.

Slaap 4 mense in een kamer. Oulike honde en perde wat kom kuier in die oggend. Sal lekker wees as hulle die skottelgoed kon kom was, baddens kom opmaak het en bietjie meer hout vir die kaggel uitgesit het!

Pikante eenheid, ideaal vir oornagstop.

Oulike plekkie wat goed toegerus is vir 'n oornagstop. Lekker knus met die kaggel.

Als wat jy nodig het.

Baie goeie diens en sal ten sterkste aanbeveel. Lekker kaggel vir die koue en hout was voorsien.

'n Aangename rusplek vanwaar ons die hele omgewing kon verken.

Die Heks se Huisie bied al die gewone geriewe en is eenvoudig maar prakties ontwerp met genoeg spasie vir vier gaste met bagasie. Die huisie is goed geleë binne maklike stapafstand van al die dorp se winkeltjies en restaurante. Dit bied 'n gerieflike basis vanwaar die hele omgewing verken kan word. Net jammer ons kon geen kontak met die eienaar maak om 'n oënskynlik tydelike probleem met waterdruk aan te meld nie.

Oulike plekkie.

Die huisie is baie oulik. Die dilemma is dat ek saam met my bejaarde ouers gereis het en my pa (76) kon nie die trappe baasraak nie. Hy het op die ou end onder op die bank geslaap.