Kruger Park Lodge 216

Selfsorg

Kapasiteit: 6 mense
Inkloktyd: 16:00 tot 23:00
Uitkloktyd: 10:00
Adres: Portia Shabangu-weg, Kruger Park Lodge, Hazyview, 1242, Mpumalanga
Alle ouderdomme is welkom
Vanaf R3 700 per nag (plek vir 6)

Beskrywing

Kruger Park Lodge 216 bied groen tuin-uitsigte en ruim selfsorgverblyf in die Kruger Park Lodge-oord in Hazyview. Dit is ideaal vir 'n vakansie saam met 'n groot gesin of 'n groep vriende, aangesien die landgoed besienswaardighede en aktiwiteite het om almal te vermaak.

Dié verblyf bied slaapplek aan 6 gaste en beskik oor 3 slaapkamers, 2 badkamers en 'n gastetoilet. Die hoofslaapkamer het 'n koninggrootte-bed en 'n en suite-badkamer met 'n bad en stort. Die oorblywende 2 slaapkamers het elk 2 enkelbeddens en gaste deel die tweede badkamer met 'n bad en stort. Alle linne en badhanddoeke word voorsien, maar gaste moet hul eie swemhanddoeke saambring.

Die oopplan-leefarea beskik oor 'n kombuis met 'n stoof, oond, mikrogolf, yskas-vrieskas, eetgerei, breekware, asook tee- en koffiemaakgeriewe. Daar is ook 'n skottelgoedwasser en wasmasjien. Die kombuis lei na 'n etenstafel met oorgenoeg sitplek vir almal om hul etes saam te geniet. Die knus sitarea het gemaklike sitplek en 'n TV met DStv. Gratis WiFi is beskikbaar.

Die skuifdeure lei na 'n onderdakstoep met 'n etenstafel en 'n ingeboude braai wat 'n wonderlike plek is vir 'n skemerkelkie. Hierdie stoep lei na 'n houtdek met 'n uitsig oor die bosveld.

Gaste het toegang tot die oord se aktiwiteite op die perseel, soos 'n gemeenskaplike swembad, tennisbane, 'n putt-puttbaan, 'n klimraam vir kinders, wildkykpunte, asook 'n restaurant op die perseel.

Kry ’n Kwotasie