Langebaan Guest House

Gastehuis

Kapasiteit: 9 mense
Inkloktyd: 14:00 tot 19:00
Uitkloktyd: 10:00
Adres: Parkrylaan 36A, Myburgh Park, Langebaan, 7357, Wes-Kaap
Geen kinders onder 5
Vanaf R830 per nag, vir 2 mense

Beskrywing

Langebaan Guest House bied gerieflike oornagverblyf in 'n lieflike gastehuis in die hartjie van Myburgh Park, Langebaan en dis ideaal vir vakansiegangers en sakereisigers.

Die gastehuis bied 'n gesinskamer met slaapplek vir 6 gaste, 2 deluxe-kamers en 2 2-enkelbedkamers met slaapplek vir 2 gaste elk. Die gesinskamer het 'n koningingrootte-bed, 'n dubbelslaapbank en 'n stapelbed. Die deluxe-kamers het elkeen 'n koningingrootte-bed en die 2-enkelbedkamers het elkeen 2 enkelbeddens.

Elke kamer het 'n privaat badkamer met 'n warmwaterstort, wasbak en 'n toilet en linne en handddoeke word voorsien. Die kamers het elkeen tee- en koffiemaakgeriewe, en borde en eetgerei word voorsien sodat gaste wegneemetes in hulle eenhede kan geniet. Die gesinskamers het elkeen 'n yskassie, maar let dat daar nie volwaardige kookgeriewe in enige van die kamers beskikbaar is nie. Daar is wel 'n gemeenskaplike mikrogolf. Gaste het toegang tot gratis WiFi.

Daar is 'n privaat stoep met sitplek buite elke kamer. Die eiendom het veilige parkeerplek, braaigeriewe en 'n wasgoeddiens op versoek. Ontbyt, cappucino en braaimaaltye is op versoek beskikbaar.

Langebaan Guest House is 1 km vanaf die strandmeer, 3 km vanaf Langebaan se strand, die gholfbaan, casino en goeie restaurante. Die apteek, winkelsentrum en vulstasie is sowat 2 km ver.

Kry ’n Kwotasie