Makarios

Selfsorg

Gratis kansellasie tot 1 week voor jou verblyf!
Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Septemberboslaan 7, Dwarswegstrand, Groot Brakrivier, 6525, Wes-Kaap
Alle ouderdomme is welkom
Vanaf R4 000 per nag, vir 10 mense

Beskrywing

Makarios is in die skilderagtige kusdorpie, Dwarswegstrand in Groot Brakrivier geleë. Hierdie pragtige seefront-huis bied ongeëwenaarde uitsigte oor die Indiese Oseaan. Dié luukse eiendom is die perfekte wegbreek vir gaste wat op soek is na 'n rustige en salige vakansie-ervaring. Gaste kan verwag om walvisse en dolfyne vanaf die dek te gewaar.

Die huis beskik oor 5 slaapkamers en 3 badkamers. Elke kamer het 'n dubbelbed en 2 van die slaapkamers het 'n en suite-badkamer. Die eerste en suite-badkamer het 'n stort en bad terwyl die tweede en suite-badkamer net 'n stort het. Die derde badkamer het 'n bad en stort.

Die kombuis is met 'n gasstoof, oond, yskas-vrieskas, lugbraaier, mikrogolf, eetgerei en breekware toegerus. Die sitarea het gemaklike rusbanke, 'n binnebraai en 'n ongelooflike uitisig oor die see. Die ontspanningsarea het 'n tafeltennistafel, veerpyle en 'n pooltafel.

Daar is ook 'n omsetter wat krag tydens beurtkrag voorsien, met onbeperkte WiFi en 'n slim-TV.

Gaste kan ook die buitebraai-area geniet wat perfek is vir luilekker somersaande. Makarios bied direkte toegang tot die strand waar gaste kan swem, branderplankry of in die son baai.

Kry ’n Kwotasie