Mount Ceder

Selfsorg

Soos Gesien op Instagram
Kapasiteit: 36 mense
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Mount Ceder, Koue Bokkeveld, Sederberg, 6836, Wes-Kaap
Vanaf R525 per nag, vir 2 mense

Beskrywing

Mount Ceder is die ideale selfsorg-naweekbestemming in die Sederberge en bied 'n hele rits aktiwiteite en verblyf-opsies. Di is in 'n vallei wat deur berge omring word op die hoofroete deur die Sederbergreeks geleë.

Verblyf word in verskeie bekoorlike selfsorghuise met slaapplek vir tussen 2 en 6 gaste elk gebied. Al die huise het linne, handdoeke, eetgerei, breekware, yskaste, stowe, mikrogolfoonde en kaggels, en buite is daar braaigeriewe. Mount Ceder het ook 3 kampeerplekke met hulle eie ablusiegeriewe wat lekker ver uit mekaar geleë is om privaatheid te verseker. Gaste moet hul eie tente en kampeertoerusting saambring.

Vir diegene wat nie lus is vir kosmaak nie is daar 'n restaurant op die perseel wat smullekker maaltye bedien. Aandete is 'n vaste spyskaart met 'n driegangmaaltyd wat 24 uur voor die tyd bespreek moet word. Aktiwiteite sluit bergfietsry, kanovaart, voetslaan, voëlkyk en swem in die rivier in. Buiten die staproetes en swemplek op die perseel, is Mount Ceder ook ry-afstand vanaf 4x4-roetes en verskeie ander besienswaardighede in die Sederberge.

Die Sederbergstreek is net 188 km vanaf Kaapstad, maar tog is die landskap so anders as dié van die Moederstad. Dis wilder en warmer met 'n ongerepte, dramatiese prag.

Kry ’n Kwotasie