Over Karoo Inn

Gastehuis

Gratis kansellasie tot 1 week voor jou verblyf!
Kapasiteit: 8 persone
Inkloktyd: 14:00 tot 20:00
Uitkloktyd: 10:00
Adres: Tennant-weg 16, Barrydale, 6750, Wes-Kaap
Alle ouderdomme is welkom
Vanaf R800 per nag, vir 2 mense

Beskrywing

Over Karoo Inn is in Barrydale op die gewilde Route 62 wat tussen Kaapstad, Oudtshoorn, die Tuinroete en Gqeberha (Port Elizabeth) strek.

Barrydale is op die grens tussen die Overberg en die Klein-Karoo geleë en is die ideale plek vir 'n ontspannende wegbreek. Dis 'n gerieflike oornagplek en is 'n goeie basis vanwaar gaste die R62 se dorpies en besienswaardighede kan verken.

Die verblyf is stapafstand vanaf interessante winkels en restaurante. Die Barrydale Toerisme Inligtingsentrum is ook baie naby.

Naby die verblyf is daar ook die Tradauw-bergpasse, voetslaan- en bergfietsrypaaie, 'n branderwynkelder, wynproe, boetiekbier, 'n natuurreservaat, 'n wildoord en warmwaterbronne.

Over Karoo Inn het 2 slaapkamers met koningingrootte-beddens en 'n derde kamer wat geskik is vir 'n gesin met 'n koningingrootte-bed en 2 enkelbeddens. Die kamers het ekstra lang beddens met 100% kantoenlinne. Daar is 'n waaier, gasverwarmer en elektriese kombers. Elke kamer het 'n privaat badkamer met 'n stort, toilet en wasbak.

Die kamers het elk 'n yskassie, ketel, haardroër, breekware, eetgerei, tee- en koffiemaakgeriewe en warm sjokolade. Gaste kan op die privaat stoep sit en die berg-uitsig en voëllewe geniet.

Braaigeriewe, gratis WiFi en veilige parkeerplek is beskikbaar.

Kry ’n Kwotasie