Pinnacle Point Heritage Villa

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Pinnacle Point-weg 1, Mosselbaai, 6500, Wes-Kaap
Alle ouderdomme is welkom
Vanaf R3 336 per nag (plek vir 8)

Beskrywing

Pinnacle Point Heritage Villa is 'n pragtige villa met 'n panoramiese uitsig oor die Indiese Oseaan. Dit is op die gewilde Pinnacle Point-landgoed in die hartjie van Mosselbaai en is die ideale opsie vir 'n seevakansie saam met familie en vriende vir gaste wat graag die prentjiemooi Tuinroete wil verken.

Die dubbelverdieping-dakwoonstel bied slaapplek aan 8 gaste en beskik oor 4 slaapkamers met en suite-badkamers. Die eerste twee slaapkamers het elk 'n koninggrootte-bed en die ander twee slaapkamers het elk 2 enkelbeddens. Elke badkamer het 'n bad, stort, wasbak en toilet. Elke slaapkamer het sy eie balkon met 'n onbelemmerde see-uitsig. Daar is ook 'n vyfde badkamer met 'n stort.

Die helder en lugtige leefarea beskik oor 'n kombuis wat met 'n stoof, oond, mikrogolf, yskas-vrieskas, eetgerei, breekware en 'n ysmasjien toegerus is. Daar is ook 'n skottelgoedwasser en wasmasjien. Die kombuis lei na 'n oopplan-sitarea met 'n etenstafel en platskerm-TV met die volle DStv-pakket. Gratis WiFi is beskikbaar.

Stapeldeure lei na 'n toegeboude stoep met gemaklike meubels, 'n ekstra etenstafel en ingeboude braaigeriewe. Dit is die perfekte plek om lekker saam te kuier en die pragtige uitsig te waardeer. Die braaikamer lei na 'n groot balkon met 'n privaat plonspoel. Veilige onderdakparkeerplek word voorsien tesame met 'n komplimentêre pendeldiens in 'n gholfkarretjie wat gaste tussen die villa en parkeerplek sal vervoer.

Kry ’n Kwotasie