Portobelo 26

Selfsorg

Kapasiteit: 8 mense
Inkloktyd: 14:00 tot 16:00
Uitkloktyd: 10:00
Adres: Portobelo 26, Beach-boulevard, Mosselbaai, 6500, Wes-Kaap
Alle ouderdomme is welkom
Vanaf R1 840 per nag (plek vir 8)

Beskrywing

Portobelo 26 bied gerieflike selfsorgverblyf in 'n drieslaapkamerwoonstel in 'n veilige kompleks in Diaz-strand in Mosselbaai en dis binne stapafstand vanaf die strand geleë

Dié woonstel beskik oor 3 slaapkamers, 2 badkamers en 'n oopplan-kombuis, -sitarea en -eetarea. Die hoofslaapkamer het 'n dubbelbed, die tweede slaapkamer het 'n koningingrootte-bed en 'n stapelbed en die derde slaapkamer het 2 enkelbeddens. Die oopplan-kombuis is toegerus met 'n yskas, 'n oond en 'n stoof, 'n ketel, 'n mikrogolfoond, 'n wasmasjien en 'n tuimeldroër. Die woonstel bied toegang tot 'n balkon met braaigeriewe en sitplek buite en daar is 'n TV met DStv. Gaste moet asb. hul eie DStv-dekodeerder en -slimkaart saambring. Die kompleks spog met 'n gemeenskaplike swembad.

Diaz-strand het 'n veilige swemstrand en dis minder as 10 km van Mosselbaai af geleë. Mosselbaai is 'n welbekende toeristebestemming en dis veral bekend vir sy poskantoor in die vorm van 'n skoen, die Tuinroete-kasino en 60 km se uitgestrekte strande.

Kry ’n Kwotasie