Portobelo 26

Goeie waarde vir geld, netjies en skoon.

Die eenheid is pragtig toegerus met alles wat jy nodig het en dis sentraal geleë. Was regtig baie goeie waarde vir geld!

Veilig.

Baie veilig en goed geleë. Die yskas is net te klein vir 8 persone vir 2 weke en die kombuiswasbakke se proppe pas nie goed nie. Die hoeveelheid reëls wat ons moes lees was soos om in 'n koshuis te woon, amper oorweldigend.

Dit was wonderlik. Absoluut werd om daar te ontspan. Jy is absoluut veilig daar.

Enigste probleem wat ons gehad het, daar was nie genoeg toiletpapier beskikbaar vir die 3 dae nie en ons was 7 gaste. Daar was ook nie genoeg handdoeke nie wat ons kon gebruik vir die 3 dae nie. Skoonmaakmiddels het ook ontbreek. Dit was die enigste probleem wat ons gehad het.

Gemiddelde verblyf.

Die eenheid is uitgerus vir 8 persone, maar is nie geskik vir 8 volwassenes nie. Die eettafel, sitkamer en stoep het slegs sitplek vir 6 persone. Die sleutels moet in Mosselbaai Punt afgehaal en weer terugbesorg word - in seisoentyd is dit baie ongerieflik met die verkeer! Daar is 'n voetgangerhek met 'n "tag", maar dit het tydens ons verblyf nooit gewerk nie. Daar is 'n kode vir toegang tot die motorhek wat ook nooit gewerk het tydens ons verblyf nie. Die hysbak was vir paar dae buite werking, baie ongerieflik vir ouer mense om op die bierde vloer te kom.

Die ligging, veiligheid, netheid, kliëntediens was uitstekend. Dit is 'n fantastiese plek as jy nie 'n vakansieganger is nie.

Nie 'n plek indien jy wil vakansie hou of lekker gesellig verkeer nie. Die permanente inwoners kyk gedurig op hul horlosie en ons kinders kon nie met gemak rondhardloop en speel op die grasperke en terrain sonder om lelike kyke en toesnouings van sekere van die inwoners te kry nie. Fantastiese ligging, baie netjies en gerieflik, maar ek voel dit moet dus nie uitverhuur word as 'n vakansie/naweekwoonstel nie, want jy kan nie eens op die balkon 'n 4 man gesprek voer met mekaar na 11 nie. Alhoewel ons geen begeerte gehad het om enige musiek te speel nie, wou ons ten minste lekker gesprekke gevoer het, gesellig verkeer het en lag, maar moes ongelukkig gedurig fluister.

Baie lekker, skoon en gerieflik.

Goed geleë woonstel. Ruim vir 8 persone. Skoon, netjies en gerieflik.