Raven House

Selfsorg

Kapasiteit: 0 mense
Inkloktyd: 14:00 tot 00:00
Uitkloktyd: 10:00
Adres: Ravenstraat 17A, West Beach, Kaapstad, 7441, Wes-Kaap
Alle ouderdomme is welkom
Tydelik onbeskikbaar

Beskrywing

Raven House is 'n selfsorghuis in die residensiële buurt West Beach in Bloubergstrand. Die huis is ideaal vir 'n gesinsvakansie, wittebroodpaartjie, sakereisigers of vlieërplankryers. Dis sowat 4 minute se ry vanaf Bloubergstrand se gewilde vlieërplankstrand en naby verskeie restaurante, winkels, malls en 'n bekende wynroete. West Beach is sowat 19 km vanaf Kaapstad se middestad en 28 km vanaf Kaapstad Internasionale Lughawe.

Die huis bied slaapplek aan 6 gaste en beskik oor 3 slaapkamers, 2 badkamers en 'n oopplan-kombuis en -leefarea. Daar is ook 'n sonkamer en 'n onthaalarea buite met 'n swembad en gasbraaigeriewe. Die hoofslaapkamer het 'n koningingrootte-bed en 'n en suite-badkamer met 'n stort. Die tweede en derde slaapkamers het elk 'n dubbelbed. Die hoofbadkaemr het 'n bad en 'n stort. 'n Bababed kan op versoek voorsien word. Badhanddoeke en seep word voorsien. Gaste moet hul eie swemhanddoeke saambring.

Die kombuis is volledig toegerus vir selfsorg met 'n stoof, oond, yskas-vrieskas, mikrogolfoond, skottelgoedwasser, wasmasjien, eetgerei en breekware. Die sitkamer het 'n gemaklike sitkamerstel en 'n platskerm-TV teen die muur met Netflix. Gratis WiFi word voorsien.

Die sonkamer het 'n eetarea met sitplek vir 6 gaste en bied toegang tot 'n onderdakstoep met stoepmeubels.

'n Omsetter voorsien alternatiewe krag, so gaste sal nie deur beurtkrag geaffekteer word nie. Die huis is kindervriendelik. Daar is ook plastiek-eetgerei vir kinders.