Silver Lakes Gastehuis

Gastehuis

Kapasiteit: 8 persone
Inkloktyd: 14:00 tot 19:00
Uitkloktyd: 11:00
Adres: 1150 Moola Stand, , Winterveld, 0198, Gauteng
Alle ouderdomme is welkom
Vanaf R550 per nag (plek vir 2)

Beskrywing

Silver Lakes Gastehuis is 'n warm en verwelkomende vestiging in die Winterveld, omtrent 45 km van Pretoria, 10 km van Morula Sun, en 7 km weg van Central City Shopping Centre en Mabopane-stasie. Winterveld is noord van Pretoria, met 'n landelike gebied noord-wes. Dié omgewing is baie stil en rustig, en naby Mabopane en Soshanguve.

Silver Lakes Gastehuis het drie eenhede beskikbaar. Elke eenheid het 'n koningingrootte-bed, warm stort, kroeg-yskas, lessenaar, DStv (LCD TV) en 3G-dekking. Die kompleks word deur 'n elektriese heining, kameras en 24 uur sekuriteit beveilig. Silver Lakes het 'n 80 m x 90 m topklas ontwerperstent wat versier en ontwerp is om aan die behoeftes en die verwagtinge van sakelui en reisigers te voldoen.

Elke tweede dag word die kamer skoongemaak en linne en handdoeke omgeruil. Dit staan die gas egter vry om hierdie dienste aan te vra wanneer die behoefte opduik.

Ontbyt is op aanvraag beskikbaar. (Daar kan gekies word tussen 'n Engelse ontbyt of 'n plaaslike dis.) Aandetes kan verskaf word, maar ons moedig gaste aan om by een van die restaurante in die omtrek te gaan.

Kry ’n Kwotasie