+24

The Wallow Guesthouse

18 resensies

Selfsorg

Kapasiteit: 12 persone
Inkloktyd: 14:00 tot 19:00
Uitkloktyd: 10:00
Adres: Whites-weg 80, Wildernis Heights, Wildernis, 6560, Wes-Kaap
Geen kinders onder 5
Vanaf R800 per nag, vir 2 mense

Beskrywing

The Wallow Guesthouse is in 'n 3.25 hektaar privaat landgoed op 'n berg bo Wildernis. Dit word deur die natuurbos en fynbos omring en is langs 'n moddergat waar die Knysna-olifante eens op 'n tyd gereeld besoek afgelê het. Dit bied 'n 180º-uitsig oor die see en op die berg. Hier kan jy die son sien opkom en sak en toelaat dat die see en voëlsang jou aan die slaap sus.

Al die eenhede is op die grondvloer, pragtig gemeubileer en bied beddens met perkallinne. Elke eenheid het sy eie ingang, 1 of 2 slaapkamers, 'n sit- en eetarea, kombuisie, TV met M-Net en 1 DStv-kanaal en 'n DVD-speler. Die badkamer het 'n wasbak, stort en toilet. Die bankies op die privaat dek buite bied jou die geleentheid om ontbyt of skemerkelkies te geniet terwyl jy die uitsig bewonder en vars lug inasem. Elke eenheid het draagbare braaigeriewe en 1 aangewese parkeerplek wat veilig en op die perseel is.

Wildernis met sy ouwêreldse atmosfeer is net 5 minute se ry ver. Die dorpie bied winkels, restaurante en 'n markie elke Vrydagaand. Dit spog ook met lang, ongerepte strande vir romantiese wandelinge of agteroorlê in die son. By die Wildernis Nasionale Park is daar staproetes, wandelpaaie en kanovaarte na die watervalle, asook 'n uitsigpunt vanwaar jy die Kaart van Afrika kan bewonder. Vir die avontuurlustiges is daar tandem-valskermsweef, abseil, duik, perdry, bergfietsry, roeibote wat jou na Island Lake neem, branderplankry, snorkel en veel meer. Gholf-entoesiaste het 'n keuse tussen Pezula, Oubaai, Fancourt en George se gholfbane. Vanaf Junie tot September kan besoekers die suidelike noorkappers vanaf verskeie punte dophou.

As jy 'n ontspanne wegbreek of vakansie verlang in 'n kalm, pragtige, plattelandse omgewing is The Wallow Guesthouse net die plek vir jou.

Kry ’n Kwotasie