Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 7900 resensies.
"Ons is baie erg oor die Kalahari en sy mense. Dis so rustig daar en die duine is 'n belewenis"
"Ons ry altyd net deur Colesberg. Dit was aangenaam om te sien hoe inwoners laatmiddag in die strate stap. Pragtige dorpie."
"'n Vriendelike provinsie met skoon lug, die skoonste seewater langs die RSA-kus, sy eie woestyn, berge, blommeprag in Namakwa, groen Karoo en reuk van kameeldoringhout op die vuur. Out of Africa ─ kom beleef dit!"
"Ons het 'n heerlike bootreis op Sakkie se Arkie gehad op die rivier en natuurlik is 'n wynproesessie by Orange Rivers Cellars hoogs aan te beveel. Upington se museum is nog in goeie toestand and daar is heelwat heerlike restaurante om van te kies."
"Pragtige plaaslike Karoodorpie. Ons het dit nie regtig verken nie omdat ons oornag het en weer vroeg gery het."
"Baie goed geleë langs die pragtige oranjerivier. Maak gerus 'n draai by die De Nachtuilen Guesthouse se koffieshop. Heerlike koffie en ontbyt. Die varsgebak het ook fantasties gelyk."
"Kgalagadi bly 'n besondere plek en jy kan dit kombineer met Augrabies Watervalle. Uitstekende verblyfopsies beskikbaar deur die webtuiste. "
"Mooiste dorpie. Ons het begin uitkyk vir eiendom daar. Sal daarvan hou om daar af te tree."
"Spandeer meer tyd daar en knoop gesprekke aan met die plaaslike mense. Dis kos vir die siel en gee jou weer moed vir ons land en sy mense!"
"Ons was teleurgesteld omdat geen van die restaurantjies oop was nie. Maar het gehoor dit was nie toeriste-seisoen nie."
"Die droëwors by die slaghuis is baie lekker en die heuning daar te koop is heerlik. Skoon dorpie en almal doen moeite om besoekers tuis te laat voel."
"Mooi dorpie wat vir seker toeriste behoort te trek. Die Hantamberge is pragtig. Die dorp oor die algemeen skoon en netjies."
"Die inwoners wat ons gesien het, het nie veel gehoorsaamheid aan die COVID-19-gesondheidsprotokol getoon nie "
"Wens dit was nader aan ons dorpie. Sou elke naweek gery het tot daar."
"Die dorp is redelik netjies. Soos reeds genoem het ons oorgeslaap op pad huistoe. Ons geniet die plattelandse atmosfeer van die klein dorpies. As ons meer besoek stel dit hul in staat om voort te gaan. Covid het die klein plekke se ekonomie hard getref."
