Verified Reviews
Sutherland
All reviews have been left by LekkeSlaap customers staying in Sutherland
Rated 4.4 out of 5 based on 490 reviews.
"Blue mooi, restaurant is ongelooflik. Jammer net vir die skouspelagtige wolke wat ons sterre kyk belemmer het."
"'n Dorp wat mens nie moet mis nie. Wonderlike karoomense, sterrehemel, stapstrate, kuierplekke. Sonder 'n besoek is jou lewe armer."
"Gaan besoek vir Tjol by sy pub net buite die dorp. Hy is een van daai merkwaardige mense wat gesels baie geniet en omtrent die enigste aanwins in die dorp."
"Mooi, klein en skoon dorpie. Plaaslike meganiese winkel was baie behulpsaam. Hulle het voorraad van ’n buiteband gehad om my SUV-voertuig se band te vervang wat stukkend gery was op ’n grondpad. Grondpad vanaf Calvinia na Sutherland baie sleg. Nie aanbeveel vir enige voertuig nie."
"Sutherland is n baie lekker kuier plek met die vriendlikste inwoners. Dis 'n gedeelte van ons land wat regtigwaar 'n moet is om te besoek!"
"Sutherland is ‘n pragtige dorpie en alles is daar wat ‘n mens kan nodig kry op ‘n vakansie."
"Sutherland is 'n mooi Karoodorp en alhoewel SALT toe was tydens ons besoek kon ons steeds geholpe raak by Discover Sutherland & Planetarium wat uitstekend was."
"Die NG Kerk is pragtig binne en buite, 'n begeleide toer is beskikbaar. Die dorpie is baie skoon en mense is vriendelik. Ons het heerlike lamskerrie by Jupiter restaurant gaan eet. Die sterrekyk die aand buite die Planetarium is beslis die moeite werd, asook die vertonings in die Planetarium deur die dag. Ons kon ongelukkig nie die Louw Huis besoek nie, want ons moes vroeër bespreek het. Bly gerus ten minste 2 aande oor, want daar is genoeg om te sien en te geniet. Sutherland is 'n onopgesmukte, egte Karoo juweel."
"The SALT-tours really need to be reopened properly, at the moment it is just drive-through with no explanations. Great stargazing at Jurgs."
"Dit was my 2de besoek aan Sutherland, en die slaghuis wat geskuif het se diens is nie so vriendelik soos die vorige een nie. Geen fout met die vleis nie - inteendeel was dit heerlik sag."
"Enige sterrekyker se droom as dit nie bewolk is nie! Ons het ‘n wonderlike donderstorm ervaar met lekker reën. Jupiter het aangename personeel en deur beurtkrag het hulle ons baie tuis laat voel en lekker geëet!!!"
"Dis definitief 'n móét om te gaan sterrekyk by Sterland op Sutherland. "
"Ons het volgende oggend deur Sutherland gestap en bietjie vertoef by soldaat-grafte. Sal graag volgende keer die museum wil besoek. "
"Baie mooi omgewing, ons het baie nuwe dinge geleer en ervaar, wees net versigtig watter eet plekke gebruik word."
"Beslis die bestemming vir die wat rustigheid verkies en 'n belangstelling in die sterrehemel het. 'n Besoek aan Jurg by Sterland in die aand is ook die moeite werd - baie interessant!"
"Ons het ook sterre gekyk saam met Jurg by Sterland. En ek sal dit vir seker aanbeveel. Wat ‘n belewenis! Sutherland lyk soos ‘n dorpie wat vasgevang is in die verlede en ek sal voorstel dat jy tenminste ‘n paar aande daar deurbring om te verken en die mense te leer ken. Een nag was nie genoeg vir ons nie, sal moet teruggaan. "