Hartenbos Akkommodasie by Hartenbos-Landgoed 43 | LekkeSlaap

+39

Hartenbos-Landgoed 43

32 resensies

Selfsorg

Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Hartenbos-Landgoed, Hartenbos, Mosselbaai, 6530, Wes-Kaap
Alle ouderdomme is welkom
Vanaf R1 600 per nag (vir 6 persone)

Beskrywing

Hartenbos-Landgoed 43 is 'n lieflike drieslaapkamer-vakansiehuis met slaapplek vir 6 gaste in 'n sekuriteitskompleks in Hartenbos, Mosselbaai. Die huis het 2 slaapkamers met lugversorging en 1 kamer met 'n waaier, en is ten volle toegerus vir selfsorgverblyf - die ideale verblyf vir 'n groep vriende of 'n gesin op soek na 'n rustige wegbreekplek naby aan 'n verskeidenheid doendinge op die Tuinroete.

Die huis het 3 ruim slaapkamers en 2 badkamers met 'n bad, stort, wasbak en 'n toilet. Die hoofslaapkamer is toegerus met 'n dubbelbed, klerekas en 'n spieëltafel. Die tweede kamer het 2 enkelbeddens, 'n uittrekbed vir 'n derde persoon, en die derde slaapkamer met 2 driekwartbeddens. 2 van die kamers het lugversorging en 1 kamer het 'n waaier. Die huis het ook 'n moderne kombuis wat toegerus is met al die geriewe wat jy nodig het om lekker kos te maak. Daar is graniettoonbanke, 'n yskas-vrieskas, 'n diepvrieskas, 'n mikrogolfoond, 'n stoof met 'n oond, 'n skottelgoedwasser, 'n tuimeldroër en 'n wasmasjien.

Die sitkamerarea bied netjiese en gemaklike sitplek, 'n TV met sekere DStv-kanale en 'n DVD-speler. Daar is 'n binnebraai en oop stoep-area. Daar is ook 'n gemeenskaplike swembad en trampoliens in die kompleks. Hartenbos-Landgoed 43 is net 'n kort entjie se ry van verskeie soorte vermaak en doendinge af. Onder meer Blouvlagstrande, 'n waterpark teen die strand, 'n puttbaan en nog baie meer.

Die tarief word per persoon uitgewerk en geen ekstra persone sal toegelaat word nie, tensy dit vooraf gereël is. 2 gaste word per kamer toegelaat en die ander slaapkamers sal gesluit word.

Geen voertuie of sleepwaens mag in die motorhuis geparkeer word nie. Daar is onderdakparkeerplek vir voertuie voor die motorhuis en sleepwaens kan by die ingang geparkeer word. Die motorhuis word vir wasgoedlyne en wasmasjiene gebruik.

Geen gaste jonger as 20 jaar word sonder ouer-toesig toegelaat nie. Minimum 2 gaste word per bespreking toegelaat.

Kry ’n Kwotasie