Nautica Deluxe

Selfsorg

Gratis kansellasie tot 24 uur voor jou verblyf!
Kapasiteit: 4 mense
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: George-straat 4, Strand, 7139, Wes-Kaap
Vanaf R1 200 per nag (plek vir 4)

Beskrywing

Nautica Deluxe is 'n ruim selfsorgeenheid op die derde verdieping in 'n veilige gebou in Van Ryneveld, Strand, in die Wes-Kaap. Dit is ideal vir 'n gesin.

Die woonstel bied slaapplek aan 4 volwassenes, of 2 volwassenes en 2 kinders. Dit is stapafstand van die strand af, het veilige toegangsbeheer en word deur kringtelevisiekameras gemonitor. Die woonstel beskik oor 'n oopplan-kombuis en -sitarea, 2 slaapkamers en 2 badkamers. Daar is ook 'n balkon. Die hoofslaapkamer het 'n dubbelbed en 'n en suite-badkamer met 'n stort, wasbak en toilet. Die tweede slaapkamer het 2 enkelbeddens met 'n pragtige see-uitsig. Die tweede badkamer het 'n wasbak, bad en toilet. Elke badkamer het 'n stel handdoeke.

Die oopplan-kombuis is met 'n yskas-vrieskas, mikrogolf, vierplaatstoof met oond, wasmasjien, strykyster, tuimeldroër, skottelgoedwasser en ander basiese toebehore toegerus. Die sitarea het 'n rusbank vir 3 wat in 'n slaapbank omskep word, asook 2 leunstoele. Daar is 'n etenstafel met 4 stoele, 'n TV met die volle DStv-pakket, en WiFi is beskikbaar. Die leefarea lei na 'n balkon en terras met 'n gedeeltelike see-uitsig.

Die gebou het 'n hysbak, ondergrondse parkeerplek vir 1 voertuig met toegangsbeheer en 'n aangewese braai-area. Gaste moet hul eie braairooster en eetgerei saambring.

Let asb. dat die gebou nie 'n kragopwekker het in die geval van beurtkrag nie, maar die eenheid het LED-flitse.

Verder is die Nautica-woonstelgebou naby wegneemeetplekke, restaurante, geriefswinkels, 'n apteek, wasserye, 'n openbare swembad, en is minder as 1 km van Greenways Strand Golf Estate on Sea af, 3,8 km vanaf Strand Gholfklub, 11km vanaf Helderberg Gholfklub en Helderberg Natuurreservaat. Somerset Winkelsentrum is net 5,4 km ver. Daar is 'n hele paar wynlandgoedere in die naby, en die verblyf is 36 km vanaf Kaapstad Internasionale Lughawe.

Kry ’n Kwotasie