Seweweekspoort Op-die-Plaas Kamp

Kampeer/karavaan

Kapasiteit: 100 mense
Inkloktyd: 12:00 tot 19:00
Uitkloktyd: 10:00
Adres: Sandrivierplaas, R323, Laingsburg, 6900, Wes-Kaap
Alle ouderdomme is welkom
Vanaf R250 per nag, vir 2 mense

Beskrywing

Op-die-Plaas Kamp is op 'n pragtige werkende plaas, Sandrivier, geleë. Dit is omring deur die Klein Swartberg aan die een kant en die Elandsberg aan die ander kant. Ons plaas is sowat 8 km vanaf die pragtige welbekende Seweweekspoort af, waar gaste die natuur kan geniet en heerlik ontspan tussen die 20 rivierstrome op hierdie goed versorgde grondpad!

Die kampplekke is almal naby 'n dam met lekker sitplek op die gras en lieflike bloekombome. Daar is geen elektrisiteit op die kampterrein nie en warm water word deur 'n gaswarmwatersilinder gegenereer. Die gemeenskaplike ablusieblok het aparte geriewe vir mans en vrouens en albei badkamers beskik oor storte, toilette en wasbakke.

Hout en ys is beskikbaar. Braaipakke en vars plaasbrood is beskikbaar op versoek.

Doendinge op ons plaas sluit die volgende in: melk die koeie, ry saam met die boer om na die beeste en skape te gaan kyk en swem in die plaasdam.

Daar is baie geleenthede vir foto's te danke aan die voëllewe op die dam, die omliggende berge en perde wat vrywei op die plaas. Daar is swartbaars in die dam by die kampeerterrein. Bergfietse en 4x4's is welkom. Die pad op en oor Elandsberg na Elandskloof is gepas vir avontuurlustiges.

Kry ’n Kwotasie