+27

Zeekoegat Country House

25 resensies

B&B

Kapasiteit: 5 persone
Inkloktyd: 15:00 tot 19:00
Uitkloktyd: 11:00
Adres: R384/AP 3002, Zeekoegat-plaas, Vosburg, 8925, Noord-Kaap
Alle ouderdomme is welkom
Vanaf R2 000 per nag (vir 5 persone)

Beskrywing

Zeekoegat Country House skuil op 'n wolplaas in die hartjie van die Karoo. Dié plaas is presies halfpad tussen Vosburg en Carnarvon op 'n Karoo-grondpad en is 'n wonderlike opsie vir diegene wat die stilte en ooptes van die Karoo waardeer. Dié kliphuis is 'n tipiese Karoo-boustyl en is in stil en private omgewing met 'n mooi uitsig op die koppies.

Verblyf is beskikbaar in 'n bekoorlike kliphuis met 2 slaapkamers. Dit is geskik vir 3 volwassenes en 2 kinders en is ideaal vir 'n gesin met jong kinders wat wil ontspan na 'n lang dag op die pad. Die hoofslaapkamer het 'n dubbelbed en enkelbed en die tweede slaapkamer het 'n stapelbed wat geskik is vir 2 kinders. Die badkamer het 'n stort.

Daar is 'n kas vol speletjies en boeke, asook 'n klipdammetjie, 'n 1 putjie-gholfbaan, vierwielmotorfietse, boules en voetslaanroetes om almal besig te hou.

Daar is 'n kaggel in die vorm van 'n Dover-stoof in die sitarea, asook tee- en koffiemaakgeriewe en 'n yskassie.

Die plaaskombuis het 'n spyskaart wat spog met vars en organiese plaas-etes. Aandete word om 19:00 in die eetarea bedien of op die stoep as die weer dit toelaat. Ontbyt word ook op die stoep voor die dam bedien.

Kry ’n Kwotasie