Geverifieerde Resensie
Eastern Cape
Al die resensies is deur LekkeSlaap-gaste geskryf wat in Eastern Cape bespreek het
Hierdie plek het 'n gemiddeld van 4.4 uit 5 gekry volgens 6445 resensies.
"Definitief 'n dorpie wat besoek moet word. Oulike restaurante. En natuurlik is die Uilhuis 'n belewenis."
"Vuil en gevoel van onveiligheid. Bly ons het Hole in the Wall gesien, maar sal nie weer teruggaan soontoe nie."
"Thornhill is 'n klein stil plekkie, op die grens tussen Wes- en Oos-Kaap. Jy sit dus met die klimaat van die Wes-Kaap, maar naby ry-afstand van 'n paar oulike plekke in die Oos-Kaap."
"Besondere dorp. Baie om te sien, asook in die omgewing. Het Nieu-Betesda se Uilhuis en fossiele baie geniet."
"Not necessary to stay in a central area as everything is quite spread out. Great hiking and horse riding available."
"Wonderlike baai. Vriendelike mense met baie aktiwiteite vir kinders en lekker restaurante. Die see en golwe is heerlik om in te baljaar en dit was omtrent 'n ondervinding om die branderplankryers op Wavecrest te sien. Dis 'n paradys."
"Oulike bestemming, maar sal nie meer as 'n paar daggies hier deurbring nie. Dit is wel die moeite werd om te besoek. Oulike, weggesteekte dorpie."
"Soos vele plattelandse dorpe in Suid-Afrika, is dit jammer dat die dorp en paaie uitmekaarval. Dit is eintlik tragies maar mens kan sien privaat ondernemings probeer hul bes om dit staande te hou."
"Ons geniet die skoon en netheid van die dorp. Voel heel veilig. Geniet ook die omliggende areas."
"Graaff-Reinet 'n juweel in die Karoo verseker - voel of mens terug in tyd toer op 'n goeie manier."
"Aberdeen is 'n netjiese dorp met vriendelike mense. Wens ons kon nou al inspring en help om dit die dorp te maak wat kan kompeteer met die beste toerismedorpe."
"Ons kyk met nuwe oë na Graaff- Reinet. Defnitief nie net 'n deurry plek nie. Vallei van Verlatenheid en die Camdeboo beslis die moeite werd."
"Ongelukkig te min tyd deurgebring om die dorp te leer ken. Die interessante argitektuur behoort enige besoeker op te val, van eenvoudige platdak-karoohuise tot elegante Victoriaanse en Edwardiaanse huise, asook openbare geboue. Lees in Gabriel Faganb se boek, Platdak, en Hans Fransen se, The old buildings of the Cape. Ongelukkig, soos albei skryf, is baie van Aberdeen se besondere voorkoms nou verlore. Besoekers hoef nie bang te wees dat hulle droëmond vertrek nie – The Blue Door kan aanbeveel word vir etes en drankies."