Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 9684 resensies.
"Baie klein dorpie - in die hartland van Boesmanland waar baie mooi en goeie mense bly. Die dorpie het sy eie plattelandse bekoring!"
"Slegs oornag en nie geleentheid gehad om die dorp te verken nie. Hou van die rustigheid."
"Hierdie keer het ons nie die area se besienswaardighede benut nie, maar uit ondervinding weet ek dat daar heelwat te sien is. En nie noodwendig in die blommeseisoen nie!"
"Baie mooi dorp met die Oranjerivier wat daar deurloop, maak voorsiening vir lieflike aande langs die rivier om jou aandete te kan geniet. Augrabies is ook nie te ver vanaf Upington nie en kan maklik in ’n dagreis gedoen word. Die wynkelders is ook beskikbaar vir besoek."
"Het al in baie plekke gebly in Colesberg, maar soek nog die plek wat aan vereistes voldoen. Goedkoop verblyf is nie altyd die beste nie. Ek dink Gariep Dam is 'n beter plek om te bly as ek na verblyf opsies kyk."
"Ek is mal daaroor om na die sterre te kyk in die hemelruim. Ek gaan gewoonlik Sutherland toe maar hier in Nieuwoudtville was dit ook maar net so mooi. Net 'n jammerte dis so vreeslik droog."
"Ek weet nie wat alles in die omgewing beskikbaar is vir besoekers nie, maar die plek is nog altyd uitstekend geleë vir oornagakkommodasie in die Noord-Kaap."
"Die dorp kom voor as dood, maar toon soveel potensiaal! Dit is eerder 'n toeriste-oornagplek op hierdie oomblik as 'n toeristebestemming. Daar sal meer besienswaardighede moet wees om dit 'n bestemming te maak. Die dorp het 'n pragtige woongebied met netjiese huise en tuine en groot, netjiese skole. Die kragplaas is 'n interessante ontwikkeling, maar daar is nie agressiewe bemarking in die verband nie. Die rooi waarskuwingsligte in die nag trek die aandag, maar dit is al. Die sakekern van die dorp voorsien net basiese diens en beskik net oor basiese winkels. Dit kom voor, en is 'n groot jammerte, asof die dorp, wat soveel potensiaal het, as 't ware net laat staan is en asof die inwoners dit nie eens agterkom nie."
"Upington is 'n pragtige plek, uniek en eintlik so naby aan die ander juwele in die Noord-Kaap. Dit voel soos 'n stukkie van die Kaap. Ons het 'n lieflike aand gehad met aandete by die Red Ox - wat 'n aangename verrassing! Pragtige uitkyk oor die rivier en die kos was baie lekker. Omgee mense."
"Hul kort swembaddens. Dis ongelooflik warm in die area en daar is min afkoelplekke."
"Dink dis ’n plek met baie potensiaal wat nie besef word nie. Maar dink dit dra by tot die karakter van die plek. Ons het dit baie geniet en sal weer daar gaan kuier. Dis waarlik ’n wegbreek van die gejaag."
"Ons was bevoorreg om die watervalle by Augrabies in vloed te kon sien. Wat ’n pragtige gesig."
"Het gesoek na 'n waterwiel wat oral op die internet aangegee word, maar nie een gekry nie. Strate is vol groot slaggate. Dis nie regtig 'n toeristebestemming in ons oë nie. Daar is geen brosjure/inligtingsboekie wat enige toeristebestemmings in Kakams en omgewing bevat nie. Kon nêrens een vind nie."
"Natuurlik nie altyd so skouspelagtig soos na die baie reën nie. Jy moet alles doen en rondry - oor Blouputs, na Riemvasmaak en lekker bier by Khamkirri."
"'n Regte plaasdorpie. Heel verras met al die interessanthede daar rond!"
"Mooi skoon dorp. Vriendelike mense. Heelwat om daar en in omgewing te sien en te doen. Sal definitief weer Kakamas besoek. Was verras."
