Geverifieerde Resensie
Graaff-Reinet
Al die resensies is deur LekkeSlaap-gaste geskryf wat in Graaff-Reinet bespreek het
Hierdie plek het 'n gemiddeld van 4.5 uit 5 gekry volgens 1833 resensies.
"Besondere geskiedkundige omgewing met museums, ens. Mooi NG Kerk en ander besienswaardighede."
"Graaff-Reinet is 'n interessante dorp met baie om te sien. 'n Hoogtepunt was die orreluitvoering in die Nuwe Kerk. Dit was 'n wonderlike ervaring."
"'n Besoek aan die Camdaboo Park met die Vallei van Verlatenheid is 'n geleentheid wat nie gemis moet word nie!"
"Wat 'n pragtige juweel in ons land. Die mense is besonder vriendelik en veral die buitelandse toeriste vind die dorp baie aanloklik. Die Nasionale Park tot die museums is alles in 'n baie goeie toestand. Die restaurante en winkeltjies is werklik uniek. Absoluut die moeite werd om Graaff-Reinet te besoek. "
"Dit was vir ons opvallend hoe skoon die dorp is. Vallei van Verlatenheid is 'n moet. Ons het ook die Camdeboo Nasionale Park baie geniet. Ons kon ook binne die NG Kerk ingaan om fotos te neem. Die omgewing se natuurskoon is wonderlik om te aanskou."
"Die hitte is wel erg maar mens moet daarby verby leef - dit is immers die Karoo. Nieu-Bethesda, die vallei, Kaktus-plaas, Grootkerk en geskiedenis van die dorp is elk 'n belewenis op hul eie. Die dorp is baie rustig en baie skoon. Die dorp en omgewing roep om 'n volgende besoek. "
"'n Wonderlike, geskiedkundige dorp en 'n mens het genoeg tyd nodig om al die besienswaardighede te ontdek! Wat my egter opgeval het is dat die strate nie meer so skoon is soos vroeër jare nie!"
"Ons het laatmiddag deur Graaff-Reinet se strate gestap en was beïndruk met die netheid. Daar was nie 'n papiertjie, bottel of blikkie te sien in die strate of op sypaadjies in die paar blokke wat ons gestap het nie. Dit lyk of die geskiedenis en kulturele erfenis van die dorp mooi bewaar en in stand gehou word."
"Die Drostdy Hotel is pragtig oorgedoen ... 'n drankie of koffie by hulle nuwe kroeg is aan te bevele."
"Dit sal my altyd bekoor om hierheen te kom aangesien ek hier gebore is. My wortels is hier daarom maak ek van tyd tot tyd 'n draai!"
"Besienswaardighede word nie meer in stand gehou nie. Die dorp is vuil en verwaarloos. Die park agter die kerk vol leë bottels en papiere. Hartseer om te sien hoe die dorpie sy karakter verloor het."
"Pragtige dorp. Geskiedkundige plekke, wildreservate naby, pragtige natuurskoon. Beslis moeite werd om spesiaal te besoek."
"Graaff-Reinet is 'n spogdorp met 'n ryk geskiedenis en bied meer as 'n mooi kerk! Natuur is pragtig van die wildsplase tot by die Vallei van Verlatenheid. Pragtige antieke- en snuisterywinkels in die dorp en besondere eetplekkies."
