Verified Reviews
Lamberts Bay
All reviews have been left by LekkeSlaap customers staying in Lamberts Bay
Rated 4.3 out of 5 based on 987 reviews.
"Ons het baie meer van die dorp verwag. Ek het gedroom oor 'n plek waar ons vars vis by bote kon koop en miskien 'n krefie êrens in die hande kon kry, maar nee. Ons moes hoor dat die kreeffabriek nou 'n aartappel/chips fabriek is. Die voëleiland is vervalle en bied die besoeker bitter min vir die R40 toegang geld. Ek het nie baie veilig gevoel om in die dorp rond te stap nie. Aangesien die dorp uiters swak beplan is moes ons baie soek na winkels vir ons benodigdhede. Ek twyfel of ek weer die dorp sal besoek. "
"It was a lovely, quite little town, enough beaches, restaurants and enough to do in the 4 days we were there."
"Lambertsbaai was nie vir ons so indrukwekkend gewees nie, daar was nie veel om te doen nie, voel maar soos 'n gewone vakansie-dorp."
"Lambertsbaai is op sigself seker nie die beste toeristebestemming nie, maar dis ‘n dorpie met baie karakter en rustigheid. "
"Muisbosskerm is 'n moet. Maar 'n mens gaan Lambertsbaai toe om te rus, daar is nie baie toeriste aantreklikhede."
"Had lunch at the Weskus Kombuis, fish and chips excellent, the Kookfontein sauvignon blanc, a pleasant surprise (did not know about the estate). Staff friendly and efficient."
"Ons het lekker geëet by Isabellas in die hawe en na die voëls gaan kyk op die eiland, neem R5 kontant saam om in te kom by die hawe en R40 kontant om op die eiland te gaan."
"Die dorpie het 'n bietjie lewe nodig, maar daar is lekker restaurante in die omgewing."
"Dit is net jammer dat Lambertsbaai, soos alle mooi plekke so agteruit gaan, maar 'n moet besoek vir elkeen wat nog nie daar was nie."
"'n Heerlike, rustige atmosfeer met vriendelike mense. Beslis 'n moet as jy daardie kant is. En baie sentraal geleë om uit te ry na Elandsbaai en Verlorenvlei."
"Ek was nie eintlike beïndruk met die dorp self nie, maar sal weer teruggaan vir die Grotjie."
"Ek is mal oor Lambertsbaai. Dis 'n plekkie wat jou sielsrus gee en dat jy die nuwe week weer kan aanpak met 'n geruste hart. Beste plek om bietjie tyd te bestee, veral Isabellas Restaurant was baie lekker. "
"Ons het geëet by Weskus plaaskombuis op die hawe. Die seekos-platter was baie lekker en goeie waarde vir die prys. Ons het ook Clanwilliam toe gery wat baie plekke het om by te woon. Die Rooibosfabriek het baie goed om te koop, heerlik rooibos produkte."
"Dit is 'n pragtige dorpie met gasvrye mense. Ek kan Weskus kombuis asook Isabellas aanbeveel hulle kos uit die boonste rakke met n mooi uitsig en vriendelike diens. Daar kan net meer aandag aan die hoofstrand gegee word, hy is bietjie verwaarloos en 'n seer oog."
