Geverifieerde Resensie
Beaufort West
Al die resensies is deur LekkeSlaap-gaste geskryf wat in Beaufort West bespreek het
Hierdie plek het 'n gemiddeld van 4 uit 5 gekry volgens 1365 resensies.
"Ons het basies in die donker daar aangekom en weer in die donker gery so ons kan nie eintlik kommentaar lewer oor Beaufort-Wes nie."
"Baie mooi, klein dorpie. Alhoewel dit loadshedding was, kon mens darem kos koop. Sal weer daar oorslaap. "
"Chris Barnard Museum whilst very informative/interesting was expensive and the guide lacked knowledge on the subject."
"Ideale oornagplek op pad na Kaapstad. Karoo Nasionale park buite Beaufort Wes is pragtig, en die berge is werklik besonders mooi. As jy die Karoo werklik wil sien, is dit die moeite werd om daarheen te gaan. Koue nagte in die winter en warm dae in die somer. Pragtige huise en kerke van historiese waarde."
"Die dorp is basies sinoniem met dr Chris Barnard. Punt. Dis die moeite werd, maar daar is nie veel anders vir die toeris nie. Verder moet mens maar na die Karoo Nasionale Park gaan. 4 Sheep Restaurant maak heerlike kos. Veral lamsvleisdisse is 'n moet!"
"Even though we enjoyed our stay. We had to drive through the town and didn't feel quiet comfortable due to the condition of the town."
"Beaufort-Wes is 'n baie klein dorpie. Ons het net die dag van my verjaarsdag ingery dorp toe om by 'n plekkie te gaan eet. Nietemin was die personeel baie vriendelik. Het nie baie rondgery in Beaufort-Wes nie so dit is moeilik om te weet watter besienswaardighede daar regtig is. Dit is 'n goeie halfpad stop op pad Kaap toe."
"Die dorp is nie meer wat dit was nie. Baie agter uit gegaan, nie meer so skoon en veilig soos 'n paar jaar gelede nie en met al die trokke op die N1, is dit soms 'n nagmerrie om deur die dorp te kom."
"Die dorp is maar omgekrap, maar gelukkig is Biffies Cottages aan die noordekant van die dorp geleë. Dit was een van ons oorwegende besluite."
"Te veel rommel en vullis in strate. Te veel gate in paaie. Die dorp kom slordig voor en lyk nie of daar enige munisipale dienste is nie."
"'n Besige dorp wat alles bied wat benodig kan word en is vir seker baie skoner as baie ander Karoo-dorpe."
"Dit is 'n juweel op die lang pad Kaap toe, het my verlustig in die boustyle en die skoonheid en netheid van die hele dorpie."
