Geverifieerde Resensie
Marloth Park
Al die resensies is deur LekkeSlaap-gaste geskryf wat in Marloth Park bespreek het
Hierdie plek het 'n gemiddeld van 4.6 uit 5 gekry volgens 1908 resensies.
"Vir mense wat lief is vir die natuur en die wilde diere is dit die regte plek om te besoek. Selfs met die droogte het ons baie wild gesien in die park self. Die nodigste items is beskikbaar in die klein winkeltjies. Daar is eetplekkies vir dié wat nie van 'n bos-braai hou nie. Marloth Park self is skoon en die mense van die omgewing vriendelik. "
"Marloth Park se mense is baie vriendelik en ons sal enige tyd weer by Marloth Park uitspan."
"Op die oomblik is dit maar baie droog in Marloth Park, maar dit bly nog 'n baie lekker plek om te gaan uitrus en kuier. "
"Die paaie is op plekke amper onbegaanbaar. Marloth Park moet aandag hieraan gee."
"Puik toeristebestemming. Rustig en kan lekker uitrus. Die mak diere wat vry loop skep ongelooflike atmosfeer. Genoeg winkeltjies in Marloth Park om al die nodigste goedjies te koop."
"Marloth Park is 'n lekker rustige park waar jy kan rondry en diere besigtig. Al wat ons kan voorstel: die winkels is te duur, en goedkoper produkte sal dit die moeite werd maak as 'n gesin inkopies wil doen. Verder is almal baie vriendelik en daar is van alles beskikbaar, net te duur. "
"Dis hartseer dat dit tans so droog is oral, maar hopelik sal ons gou reën kry. Marloth is aangenaam en lekker om net te ontspan."
"Net die ontsettende droogte - maar daaraan kan ons as mense niks doen nie!"
"Ongelooflike plek! Lekker om so naby die natuur te wees, om te kan gaan stap en so naby die diere te kan kom. As jy nog nooit in Marloth was nie, maak 'n plan. Dit is 'n stukkie hemel op aarde."
"Ons was al saam met ons dogter en haar man in Jakkelberry wat hulle Maart/Okt gebruik. Die blyplek bestaan uit 'n tent en gebou wat verskaf word. Ons sal Marloth oor die algemeen aanbeveel. Ons voel dat daar altyd ruimte is om te verbeter, dus die 4 ster (nader aan 'n 5 ster)."
"Die konstante toeloop van mense in die park as gevolg van die verskeie bouprojekte moet 'n sekuriteitrisiko wees, en die sekuriteitsbeheer by die hekke is nie voldoende om die toeloop te beheer nie."
"Die paaie is eintlik nie geskik vir gewone motors nie. Dis baie lekker om langs die rivier te kan stap en ook te kan ry."
"Alhoewel Marloth gebuk gaan onder droogte en oorbeweiding is die atmosfeer daar altyd idillies."
"Fantastiese plek om vakansie te hou - naby genoeg aan die wildtuin, en 'n 'wildtuin' self - meeste diere kan gesien word langs die Krokodilrivier. Heerlike gasvrye gebied en relatief veilig."
"Marloth Park is 'n puik vakansiebestemming, maar die plaaslike winkels is belaglik duur. Alhoewel mens hulle graag sou wou ondersteun, het ek eerder gery na die SPAR op Komatipoort 17 km daarvandaan."
"I have been visiting Marloth Park since 2009 and it is a place that you don't get enough of because of the nature."
"Ek dink Marloth Park is 'n veel beter opsie vir verblyf as binne in die Kruger self. "
"Ons dink dis 'n belewenis om die diere so naby aan die huis te kon sien en dat ons ook 'n bydrae met voer kon maak en sien hoe die diere dit geniet. Dit was 'n heerlike warm naweek al was dit einde Junie. Dankie vir julle flink en vriendelike diens Lekkeslaap!"
"As 'n mens nie wildtuin toe wil ry nie is daar baie te sien langs die Olifantsrivier of net om deur die park te ry en die diere te besigtig."
"Great plek. Kinders voel veilig. Op 'n stap- of fietstog kon jy leeus, olifante, seekoeie en baie ander goed sien. Tuis het die sebras en koedoes en vlakvarke ons vermaak. Ongelukkig was die giraffes by 'n ander partytjie."
"Hou baie van Marloth Park, daar is reeds honderde toeriste wat die plek ken en gebruik. Dit is veral 'n goeie vertrekpunt na die Krugerwildtuin toe. "