Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 7939 resensies.
"Die OK-minimark is fantasties - skoon en rakke vol vars produkte. Personeel vriendelik en behulpsaam. Die Plattelander Restaurant kan verseker aanbeveel word vir heerlike etes en warm atmosfeer. Die dorp is skoon en sommer pragtig."
"Ons het verneem dat Kuruman nie meer veilig soos 'n tipiese klein dorpie is nie. Dis baie jammer dat dit verander het."
"Augrabies is 'n fantastiese bestemming, en vir die natuurliefhebber is dit 'n moet!"
"Kuruman self het baie opknapping nodig. Die Moffat Museum is pragtig, atmosferies, en ongelooflik histories. Onlangs gerestoureer. Definitief die moeite werd om dit te besoek. Daar is 'n probleem van diefstal in Kuruman, so wees maar bewus van jou omgewing. Die nuwe Checkers Mall is aangenaam om te besoek."
"Ek en my vrou het die aand by die restaurant: "Die Krip" gaan eet. Ek was teleurgesteld om in die middel van die Karoo 'n skaapnekvleisdis te bestel en nie die Karooskaap te kon proe nie. My vrou se T-been steak was heerlik sag en presies gaargemaak soos sy dit wou hê."
"Oranjerivier is enig in sy soort in RSA. Geniet dit orals langs rivier. Kalahari ook uniek. Weer goed. Kan somer, winter en lentevakansie daar geniet."
"Het nie lank oorgebly nie, net die Waterval besoek. Augrabies Nasionale Park word goed bestuur. Restaurant is heerlik om by te eet. "
"Hondeklipbaai is nie vir die ou wat hou van 'n gewemel van mense om jou nie. Dis 'n klein kusdorpie met uiters min inkopiegeleenthede, so pak als wat jy benodig. Die mense is vriendelik en behulpsaam en daar is 'n paar restaurante vir so bietjie uiteet uit die boonste rakke. Los jou groot beursie by die huis, want mens raak maklik verlief op die plek en voor jy jou oë uitvee koop jy dalk jou eie stukkie grond daar. Dis 'n absolute moet vir enige reisiger."
"Colesberg het nogal karakter en bestaan nie slegs uit 'n "one stop" langs die hoofweg nie, ry in, gaan kyk, eet by Die plattelander en gesels met die mense op die dorp."
"Ons het net die Augrabies Waterval besoek. Dit was in die geheel 'n baie positiewe ervaring en redelike waarde vir geld."
"Die paaie rondom Colesberg sal seker binnekort klaar wees en die hoofstraat het in my opinie heeltemal te veel informele besighede in...dit doen vir my afbreek aan die mooi dorpie wat dit eens op 'n tyd was!"
"Bean is die plek om te wees! Heerlikste steak wat ons nog ooit geëet het. Sal almal aanbeveel om daar 'n draai te maak."
"Karaktervolle dorp. Vol rowwe diamante. Maak gerus 'n draai by die museum en gesels met George, dit is priceless."
"'n Pragtige dorpie wat heelwat beter in stand gehou word as die meeste ander plattelandse dorpe. Geleë in 'n pragtige omgewing."
"Ons ervaar die dorp meer as 'n deurgangsroete en het nie tyd spandeer in die dorp self anders as oorslaap nie."
"Netjiesste en skoonste dorpie wat ek in 'n lang ruk gesien het. Geluk aan die stadsvaders."
"Dit was ons eerste ervaring en besoek en sal dit in die toekoms weer oorweeg om langer tyd in die Noord-Kaap te spandeer."
"Die enigste eetplek wat oop was vir die aand was die by die hotel wat n gangbare maar baie duur spyskaart het."